الأخبار, عن الألعاب

الإعلان عن حجم تحميل حصريات PS5

blank

سوني أعلنت بشكل رسمي عن المساحة الي هتحتاجها بعض الحصريات الي نازلة على منصة PlayStation 5 والإعلان ده بيوضح إن الهارد الـ SSD مش هيقلل من حجم الألعاب ولا حاجة بل ان اللعبة ممكن تكون أكتر كمان في الحجم او زي دلوقتي.

الشركة أعلنت عن حجم تحميل لعبتين من حصريات PlayStation 5 وهما Demon’s Souls وديه هتحتاج مساحة 66 جيجا بايت، وعندك برضو Spider Man Miles Morales وديه هتحتاج 50 جيجا بايت.

لعبة Spider Man Miles Morales في منها نسخة Ultimate بتضم لعبة Miles Morales وبتضم نسخة ريماستر من لعبة Spider Man 2018 الي نزلت على PlayStation 4. النسخة الكاملة ديه هيكون حجمها 105 جيجا بايت تقريباً وده طبعاً حجم كبير بس طبيعي على لعبتين.

اللعبتين هيتم توفيرهما يوم 12 نوفمبر وده نفس يوم إصدار منصة PlayStation 5. المنصة نفسها سعرها هيبقى 500 دولار للنسخة العادية و400 دولار للنسخة الديجيتال. Spider Man Miles Morales النسخة العادية سعرها 50 دولار و النسخة الـ Ultimate سعرها 70 دولار. Demon’s Souls هي كمان سعرها 70 دولار.

Ahmed Yousry

About Ahmed Yousry

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.