Gaming News, News

تسريب : سيتم الإعلان عن Star Wars Jedi Fallen Order 2 قريباً

تسريب جديد إنتشر على Reddit بيأكد إننا هنشوف الجزء الثاني من Star Wars Jedi Fallen Order في وقت قريب وهيتم الإعلان عن اللعبة خلال سنة 2021 !

على حسب كلام المُسرب فهيتم الإعلان أولاً عن جزء ثالث من Star Wars Battlefront III والتي ستكون من تطوير إستوديو EA DICE الي شغال عليها بجانب شغله على لعبة Battlefield 6، الإعلان عن الجزء الثالث من Battlefront هيكون خلال النصف الأول من سنة 2021 بس بنسبة كبيرة هيكون مجرد إعلان باللوجو الخاص باللعبة من غير عرض جديد أو إستعراض لأسلوب اللعب الخاص بيها.

كمان على حسب كلام نفس المُسرب فإحنا هنشوف الإعلان عن الجزء الثاني من Star Wars Jedi Fallen Order خلال النصف الثاني من 2021 وإصدار اللعبة من المحتمل يكون في أواخر 2022. المُسرب بيقول إن تطوير اللعبة بادئ من فترة طويلة جداً، إستوديو Respawn بدأ شغل على اللعبة من قبل حتى ما يتم إصدار Star Wars Jedi Fallen Order في اواخر سنة 2019.

من الواضح إن عالم Star Wars هيزيد عظمة خلال الفترة الجاية، إحنا مش بس هنشوف ألعاب جديدة من Electronic Arts ده كمان يوبي سوفت شغالين على لعبة عالم مفتوح مع Lucasfilm Games.

متنسوش تتابعونا على السوشيال ميديا عشان متفوتوش أخر الأخبار :

Website: www.gamezawy.com
Facebook: www.gamezawy.info
Instagram: www.gamezawy.co
YouTube: www.gamezawy.club
Telegram: t.me/gamezawyco

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.