الأخبار, عن الألعاب

نجاح ضخم للطلبات المُسبقة لمنصات Xbox Series X | S في اليابان

موقع VGC الشهير أعلن إن الطلبات المُسبقة لمنصتي Xbox Series X و Series S انتهوا بشكل سريع غير متوقع إطلاقاً في دولة اليابان.

زي ماحنا عارفين فا دولة اليابان هي واحدة من الدول الي مش بتهتم أصلاً بمنصة Xbox وده كان واضح في الجيل الحالي. الدولة تركيزها الاكبر على شراء منصة Nintendo Switch وبعد كدة PlayStation 4 ودايماً منصة Xbox بتيجي في الاواخر بمبيعات ضئيلة جداً.

موقع VGC الشهير أكد إن الطلبات المُسبقة لمنصة Xbox Series X خلصت خلال 20 دقيقة في اليابان وطلبات Xbox Series S خلصت خلال ساعة وتلت فقط. طبعاً ديه أرقام ممتازة جداً بالنسبة لدولة أصلاً مش بتهتم انها تشتري Xbox فا واضح ان الموضوع هيتحسن شوية مع الجيل الجديد وهيكون في اهتمام اكبر بالمنصة في اليابان.

منصتا Xbox Series X و Series S هيتوفروا عالمياً يوم 10 نوفمبر 2020.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.