News, Gaming News

إستوديو Deck 13 يعمل على عنوان جديد كلياً

إستوديو Deck 13 يعمل على عنوان جديد كلياً

خلال الكام سنة الي فاتوا شهرة إستوديو Deck 13 زادت بشكل كبير خاصةً بعد إصداره للجزء الأول والثاني من سلسلة The Surge والي قدموا تجربة شبيهة بألعاب Dark Souls بس في مواجهة الالات وكانت حاجة مميزة في المستقبل .

ناس كتير كانت متوقعة إن الإستوديو هيشتغل على جزء ثالث من The Surge خاصةً بعد نجاح الجزء الأول والتاني ولكن الإستوديو أعلن بشكل رسمي عن أنه شغال على عنوان جديد كلياً مش جزء جديد من سلسلة The Surge. كمان الإستوديو فتح فرع تاني عشان يضيفوا موظفين جداد في مونتريال بكندا والإستوديو الجديد هيساعد في تطوير المشروع الجديد الي شغالين عليه في الوقت الحالي.

هل هتكون لعبة جديدة مستوحاة من فكرة ألعاب السولز ولا هنشوف حاجة مختلفة تماماً ؟ كل ده هيبان في المستقبل بس بعد نجاح العاب الإستوديو السابقة ففي أمل كبير إننا نشوف تجربة عظيمة منهم كالعادة.

لو حابب تعرف اخر التفاصيل والأخبار عن عالم الألعاب فمتنساش تتابعنا على مواقع التواصل الإجتماعي :

Website: www.gamezawy.com
Facebook: www.gamezawy.info
Instagram: www.gamezawy.co
YouTube: www.gamezawy.club
Telegram: t.me/gamezawyco

author-avatar

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.