News, Gaming News

إستوديو Sony Santa Monica يعمل على مشروع جديد

إستوديو Sony Santa Monica يعمل على مشروع جديد

الإستوديو المُطور لسلسلة God of War سوني سانتا مونيكا نشروا طلب توظيف جديد بيوضحوا فيه إنهم شغالين على لعبة تانية كلياً غير حصرية البلايستيشن المنتظرة God of War Ragnarok.

من الواضح إن الإستوديو دخل في مراحل التطوير الأخير مع لعبة God of War Ragnarok وفكرة اللعبة الأساسية والتطوير الأساسي إنتهى عشان كدة بيبدأوا يجهزوا للشغل على لعبة جديدة تماماً. على حسب الي اتكتب في طلب التوظيف الجديد فالإستوديو عايز مدير فني هيساعد الإستوديو في الدخول في  تجربة جديدة كلياً. من الكلام ده واضح إنهم هيريحوا شوية من سلسلة God of War أو هتنتهي مع الجزء الجديد.

كان في إشاعات منتشرة بتقول إن الإستوديو ناوي يشتغل على لعبة جديدة في الفضاء هتقدم أفكار وقصة مميزة بس كل الكلام ده مفيش عليه تأكيد في الوقت الحالي. الأفضل إننا نستنى نشوف العظمة الي هتتقدم في God of War Ragnarok وبعدها نشوف الإستوديو هيقدملنا إيه في المستقبل.

لعبة God of War Ragnarok من المفترض إنها هتصدر في سنة 2021 بس في توقعات كتير بتقول إن اللعبة هتتأجل لسنة 2022. كمان إحتمال كبير اللعبة تنزل على منصة PlayStation 4 ومش هتكون متوفرة على PlayStation 5 فقط. تابعونا على مواقع السوشيال ميديا الخاصة بينا عشان تعرفوا أخر الأخبار والتسريبات :

Website: www.gamezawy.com
Facebook: www.gamezawy.info
Instagram: www.gamezawy.co
YouTube: www.gamezawy.club
Telegram: t.me/gamezawyco

author-avatar

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.