في 2019 أكدت إستوديوهات Amazon إنها شغالة على لعبة MMO RPG جديدة بعنوان The Lord of the Rings ومن ساعتها مسمعناش أي أخبار عن اللعبة وللأسف من الواضح إن اللعبة تطويرها اتلغى.
متحدث بإسم إستوديوهات amazon اتكلم في لقاء اخير مع موقع Bloomberg وأكد إن اللعبة للأسف اتلغت بعد أشهر من التطوير، على الرغم من إن الإستوديو كان متحمس إنه يقدم عنوان The Lord of the Rings جديد لعالم الألعاب إلا إنهم في نفس الوقت خابت آمالهم لإنهم مش هيعرفوا يقدموا أفكارهم للاعبين.
مفيش أي تفاصيل حالية عن سبب الإلغاء بس للأسف إستوديوهات Amazon بتمر بفترة مش كويسة وألعاب كتير بيطوروها مش بتخرج للنور، الإستوديو حالياً شغال على لعبة جديدة بإسم New World والي المفروض هتتوفر خلال شهر أغسطس 2021 فا نتمنى إن اللعبة ديه تحققلهم الأرباح الي محتاجينها.
متنسوش تتابعونا على مواقع التواصل الإجتماعي عشان تعرفوا أخر الأخبار :