بما إن حسابات E3 أعلنت النهاردة عن الجدول الخاص بالحدث بشكل كامل فإحنا قررنا نعمل قائمة فيها كل التفاصيل الي محتاجين تعرفوها عشان تجهزوا نفسكم لأهم حدث في السنة.
في عندنا 3 بثوث هما الأهم :
– أول بث هو بث يوبي سوفت يوم 12 يونيو الساعة 9 بتوقيت مصر والي هيتم الإعلان فيه عن Rainbow Six Quarantine والمشاركة بتفاصيل جديدة عن ألعاب مهمة زي Far Cry 6
– بعد كدة عندنا بث Xbox + Bethesda Showcase والي هيكون يوم 13 يونيو الساعة 7 بتوقيت مصر، ده اهم بث في السنة و هيركز على إستعراض الحصريات الي هتصدر على Xbox خلال 2021 و 2022
– البث الثالث المهم هو بث شركة Nintendo والي هيكون يوم 15 يونيو الساعة 6 بتوقيت مصر وهنشوف مجموعة من الحصريات المنتظرة لمنصة السويتش، التوقعات بتُشير للجزء الثاني من Breath of the Wild و Bayonetta 3 و Metroid Prime 4
في مجموعة تانية من الشركات هتشارك في الحدث بإستعراضات بسيطة زي :
– Square Enix
– Capcom
– Take Two Interactive
– Warner Bros
– Razer
– وأخيراً في بث لشركة Bandai Namco يوم 15 يونيو وإحتمال كبير تتعرض Elden Ring في البث ده بعد الإستعراض الأول ليها في Summer Game Fest يوم 10 يونيو. لتفاصيل أكثر عن الحدث اضغط هنا.