ميكروسوفت أعلنت بشكل رسمي عن إن خدمة Xbox Game Pass وصلت لـ 10 مليون مشترك حول العالم. الخدمة بيزيد مستخدميها شهر بعد شهر بشكل كبير جداً.
بالإضافة لده فا ميكروسوفت أعلنت برضو إن خدمة Xbox Live بتشوف عدد كبير من المستخدمين شهرياً بيوصل لـ 90 مليون لاعب ، العدد ده بيجي من منصتي Xbox 360 و Xbox One. برضو الشركة أكدت إن خدمة xCloud الي لسة في نسخة بيتا بتشوف مئات الالاف من المستخدمين شهرياً.
قسم الجيمنج في شركة ميكروسوفت قدر يحصل على إيرادات بقيمة 2.35 مليار دولار خلال الربع المالي الثالث من سنة 2020. حالياً شركة ميكروسوفت بتجهز لبث مباشر كبير جداً خلال الأسبوع القادم يوم 7 مايو الساعة 5 بتوقيت مصر. البث ده هيتم إستعراض فيه مجموعة كبيرة من الألعاب وهي شغالة على منصة Xbox Series X ومطورين كتير حول العالم هيشاركوا فيه.