Gaming News, News

سوني تُعلن عن فيلم Ghost of Tsushima

سوني تُعلن عن فيلم Ghost of Tsushima

واحد من أكثر الأخبار المفاجأة بالنسبالي النهاردة هي إن سوني أعلنت عن فيلم Ghost of Tsushima وإنه هيكون من إخراج نفس مخرج فيلم John Wick !

طبعاً متتوقعوش إننا نعرف تفاصيل عن الفيلم في أي  وقت قريب خاصةً وإنهم لسة هيبدأوا عملية صنع الفيلم بس المؤكد حالياً إن الفيلم هيكون من إخراج Chad Stahelski الي اشتغل على فيلم John Wick وقدمه بشكل خرافي طبعاً. وكمان إستوديو Sucker Punch هيشرف على الفيلم زي بالظبط الإشراف الي هيقدمه إستوديو Naughty Dog على مسلسل The Last of Us الي هيتوفر عبر شبكة HBO.

لعبة Ghost of Tsushima متوفرة دلوقتي للشراء بشكل حصري على منصات PlayStation ونزل للعبة تحديث على منصة PlayStation 5 وبقت شغالة على دقة 4K و60 فريم في الثانية وبالشكل ده اللعبة بتقدم أفضل تجربة ممكنة.

إستوديو Sucker Punch Productions أعلن كمان عن رقم قياسي مميز جداً للعبة وهو إنها قدرت تبيع 6.5 مليون نسخة خلال أقل من سنة من الإصدار وتقريباً حوالي 3.25 مليون قدروا يخلصوا اللعبة بالكامل. أرقام قياسية ممتازة بصراحة للعبة Ghost of Tsushima ومتحمس أشوف أي حاجة الإستوديو هيقدمها في المستقبل.

المهم قولولنا بقى، متحمسين لفيلم Ghost of Tsushima ?

author-avatar

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.