الأخبار, دليلك

عالم الديجيتال

عالم الديجيتال

ناس كتير بتسأل عن الشراء الديجيتال عن الأكواد والأكونتات وايه الفرق بينهم…
خلينا نتكلم هنا بتفاصيل شويه بعيد عن البيع والشرا التفاصيل دي تهم المستخدم ايا كان انت هاتشتري منين فلازم تكون عارفها كويس.
الأكونتات علي الأكس بوكس والبلاي ستيشن بتكون عباره عن انك بتعمل اكونت جديد فاضي وتشتري عليه لعبه او اكتر او اشتراك او اكتر.. الأكونت دا بعد ماتشتري عليه اللعبه او الأشتراك تقدر تعمله شير مع صديقك
طيب بالنسبه للأكس بوكس نظام الشير فيه ايه؟
بالنسبه للأكس بوكس الأكونت لما تشتري عليه اللعبه بيكون اكونت كامل تقدر تقسمه علي اتنين واحد بياخد الهوم والتاني بياخد الساين ان…
الهوم بيبقي عباره عن انك بتحط الأكونت عندك ومن الأعدادت في الجهاز تعمله هوم وتبتدي تحميل اللعبه.. بعد كده بتقفل الأكونت خالص وممكن تمسحه كمان واللعبه تحمل وتنزل وبعد ماتخلص تحميل تقدر تلعبها سواء وانت موصل نت او لا… طبعا في بعض الألعاب لازم نت عشان تشتغل لأنها بتكون اونلاين فدي كده كده لازم يكون النت واصل بس انت مش بتفتح الأكونت انت بتشغل اللعبه علي طول وبتشتغل معاك وبيلزملها اشتراك جولد عشان تقدر تلعب اونلاين… الألعاب اللي فيها قصه اغلبها مش بتحتاج الكلام ده وتقدر تلعب حتي لو مافيش نت
ملحوظه الأكونت الهوم ليه خمس اجهزه بس في السنه يعني يتباع اربع مرات بعد ماتستخدمه بعد كده مش هاتقدر تبيعه الا اما يعدي سنه كامله عليه
الساين ان بيكون نفس الأكونت مع الطرف التاني بس لازم عشان يقدر يلعب اللعبه يكون الجهاز واصله نت ويعمل ساين ان علي الأكونت بعد ماينزل اللعبه.. بعد مايعمل ساين ان عليه والنت شغال يقدر يلعب اللعبه عادي من علي نفس الكونت او علي اكونت تاني عشان الناس اللي يفرق معاها ال achievements
طيب بالنسبه للبلايستيشن هل بيكون نفس النظام
النظام في البلايستيشن مختلف شويه الأكونت بيتقسم ل برايمري وسكندري
البرايمري هو نفس فكره الهوم في الأكس بوكس بتحط الأكونت وتعمله برايمري وتحمل اللعبه وتقفل الأكونت وتبتدي تلعب وانت قافل الأكونت من اي اكونت تاني سواء النت شغال او لا… البرايمري في البي اس بيسمحلك بجهازين تبدل مابينهم عدد لا نهائي من المرات يعني ممكن تعمله برايمري وصاحبك يعمله برايمري يتقفل عندك وبعدها انت ترجعه وبعدها هو يرجعه الا ما لا نهايه بس ماتقدرش تدخل جهاز ثالث الا لو عملت الغاء تفعيل للأكونت من علي جهاز من الأتنين تقدر تدخل واحد غيره برضه عدد لا نهائي بالتبادل مع الطرف التاني… طيب في حاله مش هاعرف اعمله لأن الجهاز باظ او اتباع او مش معايه.
في الحاله دي بتعمله الغاء تفعيل من علي الويب سايت فبيلغي الجهازين المتفعلين وتقدر تفعلي علي جهاز واحد تاني فقط… العمليه دي تقدر تكررها مره كل 6 شهور
السكندري هو نفس الأكونت بتحطه علي جهاز تاني وتعمل تحميل للعبه وتلعبها لما يكون النت واصل ومن علي نفس الأكونت فقط ماينفعش تغير ودا طبعا مش بينفع مع الناس اللي بتهتم بالachievements
بس بينفع مع الناس اللي بتهتم انها تلعب اللعبه من اجل المتعه فقط
ايه اللي اخد بالي منه وانا باشتري اكونت او كود؟؟
لازم تكون بتشتري من مكان موثوق منه ومهتم بسمعته لأن في حاجات كتير بتكون اسعارها قليله لجذب العميل وبتكون بطرق غير شرعيه ودا بيؤدي لأن الأكونت بيتقفل واحيانا كمان الكونسول نفسه.
السعر مش لازم يكون العامل الأساسي وانت بتشتري … العامل الأساسي هو المصداقيه والأمان عشان تكون مطمن علي حاجتك وفلوسك

طيب بالنسبه للتعديلات
لحد دلوقت مافيش تعديل نزل للاكس بوكس وان .. في تعديل نزل للفور بس فاشل والعاب قديمه ولازم سوفت معين وطبعا بتقفل الأونلاين ولو اتفتح الجهاز بياخد بان ….
طيب ايه المختلف اللي بيتقدم؟
دي بتبقي اسمها باقه العاب اوفلاين بتستخدم فيها نفس الأكونتات السابق ذكرها … شرعيه الأكونتات هي اللي تخليك تقدر ترجع الجهاز تاني اونلاين وانت مطمن بدون اي قلق ..
طيب ايه الأفض باقه الألعاب الأوفلاين ولا اشتري اكواد او العاب؟
لكل حاجه سعرها وزبونها.. لو انت مالنوع الي بتحب تلعب اونلاين ومهتم يكون معاك اللعبه علي اكونت دايم يبقي الأكونتات احسنلك.. لو انت مش فارق معاك وعايز توفر يبقي باقه الأوفلاين هاتكون مناسبه ليك وتقدر تنزلها بس مجرد ماوصلت نت الباقه راحت ومابترجعش الا لو رجعت عملتها من الأول بنفس التكلفه..
بس انا لو فكرت اشتري او اعمل اكونت هاتواجعني مشكله الداتا.. حجم الألعاب كبير وباقات النت محدوده والسرعات قليله ايه الحل؟
.انا معاك في دا كله بس فنفس الوقت تقدر تنقل الداتا من اي حد عنده الداتا من اصحابك او تشتريها من اللي بيبيعوها وتوفر دا كله.

اتمني تكونو استفدتو ومايكونش فيه اطاله بس حاولنا علي قد مانقدر نغطي كل التفاصيل الخاصه بالجزئيه دي.