الإعلامي Daniel Ahmad شارك على تويتر بمبيعات الألعاب على متجر Steam خلال الأسبوع الي فات الي انتهى امبارح 10 يناير 2021 والمفاجأة كانت إن لعبة Rust الي نازلة من 2013 رجعت لصدارة المبيعات مرة تانية !
خلال الكام أسبوع الي فاتوا لعبة Rust شهرتها زادت بشكل ضخم على Twitch لإن في ناس كتير بتعمل ستريمز قررت ترجع تلعب اللعبة تاني مع بعض والموضوع ده حمس ناس كتير إنهم يرجعوا يشتروها تاني، وزي مانتوا هتشوفوا دلوقتي فاللعبة قدرت انها تتصدر مبيعات متجر Steam وباعت أكتر من Cyberpunk 2077 الي هي لسة نازلة من شهر واحد بالظبط. واضح إن الألعاب الأونلاين الفترة ديه بقت بتجذب ناس أكتر وأكتر وده الي شوفناه حصل مع Among Us.
لعبة Rust تقدر تشتريها دلوقتي على الحاسب الشخصي على متجر Steam والمفروض انها هتنزل على أجهزة الكونسول خلال سنة 2021 بس لسة مفيش ميعاد نهائي ليها.دول هما أكثر 10 العاب حققوا مبيعات علىSteam خلالالأسبوع الي فات:
1- Rust
2- Valve Index VR Kit
3- Cyberpunk 2077
4- Sea of Thieves
5- Phasmophobia
6- Raft
7- Hades
8- CS:GO Operation Broken Fang DLC
9- Grand Theft Auto V
10- Red Dead Redemption 2
promidoz
