إستوديو CI Games اتكلم مع موقع Gaming Bolt في لقاء أخير عن الأداء التقني للعبة Sniper Ghost Warrior Contracts 2 وازاي اللعبة هتشتغل على الجيل الجديد من أجهزة الكونسول.
لو بتلعب على PlayStation 5 أو Xbox Series X فاللعبة هتقدملك طريقتين لتجربتها، الطريقة الأولى هي وضع اللعبة على دقة Native 4K 2160p ومقابلها هتحصل على 30 إطار في الثانية، الطريقة التانية هي إنك تقلل الدقة لـ 1440p ولكن في مقابل تقليل الدقة الفريمات هتزيد الضعف واللعبة هتشتغل على 60 فريم.
بالنسبة لمنصة Xbox Series S فأدائها تقليدي جداً والاستوديو كان محتاج يشتغل شوية عشان يحسن الأداء عليها، اللعبة هتشتغل على دقة 1080p و30 إطار في الثانية مع دعم نفس تحسينات ورسومات منصة Xbox Series X، للأسف مفيش تفاصيل رسمية عن إمكانية دعم 60 إطار في الثانية على الجهاز الأصغر.
هتتوفر Sniper Ghost Warrior Contracts 2 على الحاسب الشخصي و PlayStation 4 / 5 و Xbox One / Series X | S في 4 يونيو 2021. تابعونا على السوشيال ميديا عشان تعرفوا اخر اخبار اللعبة :
promidoz
