واضح إن في ناس كتير بتُشيد بيد تحكم Dualsense الخاصة بمنصة PlayStation 5 لدرجة إن ميكروسوفت قررت تعمل إستطلاع رأي للاعبي Xbox تسألهم عن يد التحكم.
ميكروسوفت نشرت إستطلاع رأي جديد سريع لمُلاك أجهزة Xbox بتسألهم فيه عن يد تحكم Dualsense وهل يعرفوا مميزاتها وجربوها ولا لا. مش بس كدة، ده كمان ميكروسوفت في إستطلاع الرأي بتسأل إذا الناس حابة تشوف المميزات ديه في يد تحكم جديدة من Xbox في المستقبل !
بنتوقع إننا ممكن خلال السنين الي جاية نلاقي ميكروسوفت بتنزل يد تحكم Xbox Elite 3 ويكون فيها كل المميزات المتواجدة في يد تحكم Dualsense الخاصة بـ PlayStation 5 بس كالعادة أسعار دراعات الـ Elite دايماً بتكون غالية لأنها بتكون جاية بمميزات كتير جداً تانية إضافية زي إمكانية تعديل الزراير وبتساعدك تبقى لاعب أفضل.
لو جربت يد تحكم Dualsense، تتمنى تشوف حاجة زيها من اكس بوكس ولا لا ؟
promidoz
