شركة ESA المسؤولة عن تنظيم حدث E3 2021 أعلنت النهاردة عن مجموعة جديدة من الناشرين الي هينضموا للشركات المتواجدة في حدث E3 2021 والشركة الناشرة للعبة Elden Ring هتتواجد.
شركة Bandai Namco عندها ألعاب كتير ممكن تستعرضها في حدث E3 2021 ولكن في لعبتين أهم من أي حاجة، أهمهم هي لعبة Elden Ring من إستوديو From Software والمنتظرة من سنة 2019. الشركة كمان عندها لعبة Tales of Arise ممكن تعملها إستعراض بشكل ضخم ومفاجئ.
من المستحيل إن شركة Bandai Namco تقرر تكون موجودة في E3 ومتستعرضش Elden Ring، لو اللعبة مش موجودة فالأحسن ليهم انهم يخلوهم في البيت وميحضروش E3 مع باقي الشركات.
في الوقت الحالي احنا مش عارفين إذا كان Bandai Namco هتقدم بث خاص بيها خلال E3 2021 ولا ممكن Elden Ring يتم عرضها في بث Xbox Games Showcase زي ما حصل أول مرة في سنة 2019. تابعونا عشان تعرفوااخر التفاصيل :