Ghost of tsushima واحدة من الألعاب اللي محتاجة حد صبور وعنده استعداد يقضي وقت طويل في اكتشافها عشان تبتدي تفتح قدامه، ويتعلم كل شيء هي بتقدمه ويبتدي يستمتع بيها، وبالتالي لو انت مش من الناس دي فممكن تحس انك تايه فيها في أول كام ساعة، عشان كده هنقدملك 12 نصيحة مفيدة هتخليك تحسن تجربتك بأسرع شكل ممكن وتستمتع أكتر.
1-خد وقتك في القتالات
أكبر Game mechanic وأكتر واحدة واخده اهتمام هي القتال، والتسرع فيه ممكن يخليك تموت كتير خصوصًا في أول اللعبة خالص، وعشان كده بنصحك إنك تاخد وقتك في كل معركة بتخشها، وبدرجة أهم معارك الزعماء، حاول تدرس خصومك، وتعرف حركاتهم عاملة إزاي، كل خصم بيبقي له نمط ضربات عادي ونمط ضربات قوية unblockable، في مثلًا زعماء الضربات الUnblockable بتاعتهم بتبقي مكونة من 3 ضربات، والتالتة عادة بتبقي أقوي واحدة بحكم قوة حركة السلاح المتصاعدة، وبالتالي لو ماكتشفتش إن في 3 ضربات ممكن تنخدع، وتكون الضربة التالتة دي سبب موتك.
كمان صد الضربات في الوقت الصحيح بيرجعلم جزء من الresolve و الHealth، وده الضمان الوحيد اللي يقدر يخليك تقلب المعركة من معركة صعبة لمعركة في المتناول، في اللحظات اللي بيحاول فيها الخصوم إنهم يتكاتروا عليك حاول تجري بعيد عنهم وتفرقهم ومتحاولش أبدًا تقدي علي كمية كبيرة مع بعض إلا لو بقنابل أو أدوات غير السلاحين الرئيسين.
2-اهتم بفتح كل الstances خاصة الwind stance في الأول خالص
أحد أصعب أنواع الأعداء هو الأعداء الضخمين اللي بيبقوا عادة ماسكين خناجر، وفي منهم بيبقي ماسك درع كمان، ودول مش هتقدر تتعامل معاهم بفعالية شديدة إلا بعد فتح الWind Stance ودي آخر واحدة حالص في الStances بتاخد لوحدها 11 نقطة من خلال قتل Leaders عشان تتفتح، وده لو سيبته يجي بظروفه هياخد معاك وقت طويل، وبالتالي الإهتمام بالموضوع ده وجعله أولوية هيسهلك اللعبة كتير، وفي نصيحة تانية، مش لازم تقتل الLeaders، اللعبة بتكافئك لو ماستعملتش العنف بنقطتين كاملين لو “اتفرجت” (observe) القادة أو الLeaders اللي بيكونوا في الحصون، بمعني إنك ممكن تفضل باصص عليهم وانت في متخفي وتاخد النقطين بدون أي معارك.
3-اهتم بالحصول علي السهام المتفجرة من the curse of uchitsune
واحدة من اللحظات السخيفة علي أي حد لسة باديء اللعبة هي لما الأعداء يتكاتروا عليك، ساعات بيوصل عددهم ل11 عدو، في الحالة دي بيكون كابوس لو معاكش أسلحة غير القوس والسه، والسيفين عشان تقضي عليهم، وواحد من الأسلحة الفعالة بشكل لا يوصف في اللحظات دي هي السهام المتفجرة، ودي بتاخدها عن طريق مهمة اسمها The curse of uchitsune ودي مهمة جانبية عشان كده مش كل الناس هتاخد بالها منها.
4- اهتم بتطوير الresolve والhealth
تطوير الحاجتين دول بيجي عن طريق نشاطين جانبين في العالم ممكن يبانولك تافهين أو مش جذابين، وهم التدريب علي أعمدة البامبو للresolve و النزول في اليانبيع للHealth، بس طبعًا زيادة العنصرين دول مهم جدًا وهيسهل عليك اللعبة كتير، وفي skill تقدر تشتريها بنقطة من الskill tree بتخلي الرياح ترشدك لأماكن البامبو والينابيع، اشتريه برضو هتفيدك.
5-اهتم بفتح الsmoke bomb وwind chime
دول قنبلتين ممكن تفتحهم بعد ما يزيد level الLegend بتاعك، أو السمعة يعني لإنه نظام شبيه ببناء بأنظمه بناء السمعة اللي شوفناها في ألعاب كتير قبل كده. السلاحين دول هيقلبوا موازين التخفي عشان أولًا مفيش ميكانيكية لإخفاء الحجثث وده بيخلي التخفي مش أحسن حاجة في الأول، وثانيًا عشان القوس والسق سلاح مش صامت علي عكس ألعاب تانية كتير، وأي ضربة منه هتكشف مكانك إلا لو كانت Headshot ودي مش دايمًا بتكون سهلة.
الsmoke bomb هي فرصتك الوحيدة في لعبة بكل الميكانيكيات دي للعودة للتخفي، و الwind chine هي فرصتك إنك تبعد أو تستدرج الأعداء. ووجودهم بيخلي منظومة التسلل تكمل وتبقي زي الحلقة الموصولة.
6-تطوير الstances بيسهل الfights
كل stance ليه شجرة تطوير علي الضيق كده، لاحظ إيه أكتر نوع أعداء بيعرف يغلبك، وحاول تطور من الstance اللي بتنفع قدامهم عشان تتغلب عليهم، أغلب الskills في اللعبة بشكل عام مفيدة بشكل لا يوصف، لدرجة إن فيهم حاجات كنت شايف إنها كان لازم تكون مفتوحة من الأول، ولكن تنفيذًا لمفهوم إنك بتبدأ اللعبة ضعيف وبتبدي تكتسب خبرات أكتر فالموضوع ممكن يبقي له مبرر درامي مقول.
7-استخدم الركلات jump + triangle
حاجة اكتشفتها متاخر في اللعبة، هي إنك ممكن تركل الاعداء برجلك وانت في الهوا، والموضوع بينفع غالبًا مع أي نوع أعداء في اللعبة، فلما تتزنق وتحس إنك محتاج تخرج استخدمها وخرج نفسك من الزحمة، في كمان مجموعة من الضربات اللي ممكن تشتريها في الskill tree مهم إمكانية استخدام ضربة قوية من سيف الكتانا وانت بتجري، وواحدة تانية بتبقي ضربة stun بالكتف وانت بتجري برضو ودول ضربات مفيدة للتجمعات اللي بتحطك اللعبة قدامهم في معظم مهماتها، لإن للأسف أكتر شيء اتعرف بيه المغول، عددهم المهول..والموضوع ده اللعبة بتحاول توضحه في كل شبر منها.
8-خد صور كتير
عالم اللعبة واحد من أجمل العوالم الافتراضية اللي شوفتها في حياتي، مش بس عشان معمول باتقان، ولكن عشان له اتجاه فني جميل معتمد علي توظيف الألوان بشكل معين بيناسب الصورة الفنية اللي بتترسم بيها اليابان في اللوحات الفنية الخاصة بالحقبة الزمنية اللي بتدورفيها أحداث اللعبة، بحيث يكون دايمًا في منظر خلاب علي الشاشة سواء أشجار ملونة أو مية بحر، أو غابات بامبو، وده كله يستحق الاحتفاظ بيه، وحطه كخلفيات لجهازك. وكمان اللعبة هي أول لعبة بتوفر إمكانية التقاط صور متحركة (dynamic)، ده غير اعدادات كتير علي الصورة عشان تطلعها زي ما تحب، فماتفوتش الخاصية دي.
9-استخدم فوتو مود في تحديد مكان الرماة
في وسط المعارك الكبيرة ساعات بيكون في رماة أسهم مش باينين لكن بتكون ضرباتهم مؤثرة، استخدم الفوتو مود وتقوف الوقت وتحرك الكاميرا عشان تلاقيهم، ولو إن ده يعتبر غش شوية لكن هي حيلة موجودة واستغلالها ممكن يبقي في صالحك.
10- أول ما تسمع صوت الرماة أعمل dodge
من حسن الحظ الرماة في اللعبة بينبهوا حلافئهم إنهم هيضربوا سهم، وبيقوللهم ينبطحوا، وده شيء ممكن تستغله لو انت مش عايز تنفذ النقطة اللي فاتت. الموضوع بيبقي صعب في المعارك اللي في مكان ضيق، عشان كده ممكن تفتح skill بتوفرك إمكانية صد السهام زي الطلقات النارية في Star wars Jedi fallen order
11-حدث الcharms أول بأول حسب أسلوب لعبك
في نظام Upgrades مختلف تمامًا عن موال الSkill trees الكتير اللي في اللعبة، بيكون اسمه charms وده نظام شبيه بنظام الRunes بتاعة لعبة Shadow of mordor أو الزيوت اللي بتحطها عليا الأسحلة في ويتشر 3، بمعني إنها حاجات بتختارها بيكون لكل واحدة فيهم ميزة، مثلًا واحدة بزودلك الDamage وواحدة بتزودلك المناعة ضد النار، وهكذا، بيكون متاح ليك تختار واحدة فقط في الأول لكن ممكن تزود عن طريق زيادة الcharm slots، وده بيتم عن طريق تتبع الثعالب في اللعبة والذهاب لمخائهم والضغط علي R2 قدامها.
12- اهتم بتطوير الأسلحة والدروع
نظام تطوير تاني موجود في اللعبة هو نظام تطوير الأسلحة والدروع، وده بياخد وقت لكن مجزي بشكل كبير، حاول تجمع كل الموارد اللي تشوفها قدامك في اللعبة، واستخدمها في تطوير الدروع والأسلحة أول بأول عشان تقويها، لحسن الحظ اللعبة بتنبهك لما يكون في تطويرة متوفرة بالموارد اللي معاك حاليًا، بتلاقي أماكن التطوير منورة بالأصفر.
