ميكروسوفت وإستوديو Obsidian Entertainment أعلنا عن رقم قياسي رائع للعبة Grounded في فترة بسيطة جداً. الشركة أكدت إن لعبة Grounded جذبت أكثر من مليون لاعب خلال أول يومين فقط من الإصدار الرسمي على الحاسب الشخصي و Xbox One.
ده مش معناه إن اللعبة باعت مليون نسخة لإنها أصلاً متوفرة على خدمة Xbox Game Pass. ولكن بشكل عام اللعبة قدرت تبيع على منصة الحاسب الشخصي خاصةً على متجر Steam بشكل ضخم وتصدرت المبيعات لبضعة أيام على المتجر.
لعبة Grounded متوفرة دلوقتي كنسخة دخول مبكر على الحاسب الشخصي Steam و Xbox One. تقدر تاخد اللعبة بشكل مجاني على المنصتين لو انت مشترك في خدمة Xbox Game Pass وهي أفضل خدمة قدمتها ميكروسوفت لحد دلوقتي. النسخة الكاملة من اللعبة من المتوقع إصدارها في 2021 أو 2022.
promidoz
