تقرير جديد تم نشره عن نظارات الواقع الإفتراضي الي تم توصيلها بمتجر Steam خلال شهر أبريل 2020 وتم التأكيد على إننا شوفنا حوالي مليون نظارة جديدة ومعظم الناس ديه طبعاً اشتروا النظارة لتجربة لعبة Half Life Alyx.
لعبة Half Life Alyx باعت بشكل ممتاز جداً وكان بيلعبها أكثر من 43 ألف لاعب متصل في نفس الوقت يوم الإصدار الرسمي وحصلت اللعبة على تقييمات ممتازة من النُقاد. معظم الناس الي اشتروا نظارات إشتروا Valve Index لإنها تبع الشركة نفسها المُطورة للعبة والمتجر.
من الرائع إننا نشوف إصدار لعبة واحدة بس يجذب عدد كبير جداً من الناس بالشكل ده لشراء منتج جديد. لو معاك نظارة واقع إفتراضي فأنا أنصح بشدة تجربة لعبة Half Life Alyx لإنها واحدة من أفضل تجارب الواقع الإفتراضي الي صدرت لحد دلوقتي وبتتمتع برسومات وقصة وميكانيكات رائعة.
مجموعة كبيرة من الـ Modders قدروا إنهم يعملوا نسخة من غير الواقع الإفتراضي من اللعبة وشركة Valve يعتبر لمحت يعني إننا ممكن نشوف اللعبة من غير VR في المستقبل كإصدار رسمي.
