Articles, News

أكبر مشاكل Steam Deck اختفت بفضل Epic Games

blank

لما أعلنت Valve عن Steam Deck في أول السنة وعدت إن 100% من مكتبة العاب Steam هتكون شغالة مع اطلاق الجهاز.

ولكن كان في مشكلة وهي أن الألعاب الأونلاين المعتمدة على خدمات منع الغش زي EAC و BattlEye مش بتشتغل على Linux واللي نظام تشغيل Steam Deck مبني عليه.

blank

ولكن من يومين Epic Games صاحبة خدمة EAC نزلوا تحديث جديد للخدمة بدعم Linux و Mac OS. مش بس كده انما كمان هتعمل العاب الويندوز اللي هتشتغل عن طريق Proton طبقة محاكاة Windows على Linux، وده معناه ان مع وقت صدور Steam Deck هتكون بالفعل اغلب مكتبة العاب Steam متاحة للعب حتي الألعاب الأونلاين لكن لسه مش كلهم.

والسبب أنه وعلى الرغم من أن التحديث الجديد هيدعم تشغيل EAC على Linux إلا انه لسه محتاجين المطورين يعدلوا على العابهم يدوياً علشان يدعموا الخدمه على Linux، فـنظرياً كل الألعاب الأونلاين اللي شغالة بـ EAC زي Fall Guys و Paladins و Gears 5 هتشتغل بدون مشاكل على Steam Deck مع اطلاق الجهاز.

سهولة دعم Steam Deck

وأضافت Epic Games أنه هيكون من السهل بالنسبة للمطورين انهم يحدثوا العابهم لدعم منصات Linux و Mac OS ابتدءً من نزول التحديث الجديد، بمجرد ضغطات أزرار بسيطة. ولكن اللي ممكن يقلق بعض المطورين خصوصاً من انها لسه إضافة جديدة و بالتالي هيكون اغلب المطورين خايفين ان التحديث الجديد يقدر يساعد الغشاشين ميكنش فعال ضدهم.

مش بس Epic اللي هتدعم Steam Deck

و امبارح وبعد إعلان Epic Games عن الخبر أعلنت BattlEye المنافس الأول لخدمة EAC تحديث جديد بدعم Linux و Mac OS من خلال تويتر و اشاروا بالتحديد لدعم Steam Deck بنفس خطي Epic Games،واللي نتمنى انها تكون بطريقة مباشرة. وده معناه ان كل الألعاب المعتمدة علي BattlEye زي Fortnite و Destiny 2 هتشتغل بدون مشاكل علي الـ Steam Deck وقت الاصدار.