Articles, Console News, Gaming News, News

إستمتع بألعاب الجيل الجديد على Xbox One بخاصية البث السحابي

فاكرين في E3 2013 لما مايكروسوفت اعلنت ان الـ Xbox هيكون جهاز اونلاين بشكل كامل وبعد كده رجعت في كلامها بسبب الضغط من اللاعبين؟ هو ده بقي الي حصل دلوقتي مع اعلانهم عن حصريات الجيل الجديد لإنك هتقدر تلعبها وتستمتع بيها علي الجيل القديم لكن عن طريق الانترنت.

خلونا نتكلم عن الموضوع  بشكل تفصيلي أكثر، ميكروسوفت عندها خدمة  بث سحابي إسمها xCloud، الخدمة ديه متوفرة حالياً في مجموعة ضخمة من الدول وبتخليك تقدر تلعب ألعاب الإكس بوكس عن طريق موبايلك وده عن طريق البث السحابي  الي بيتم من خوادم شركة ميكروسوفت نفسها. الفكرة كلها إن لازم يكون معاك سرعة نت كويسة عشان تعرف تعمل نقل للبيانات بشكل مباشر من خوادم إكس بوكس للجهاز الي بتلعب عليه والي حالياً هو الموبايل وبالفعل الموضوع محقق نجاح كويس جداً في الخارج بسبب سرعات النت المرتفعة وعدم وجود Quota للتحميل.

اخر حصرية من ميكروسوفت هتتوفر للجيل الحالي هتكون Halo Infinite في خريف 2021 لإن كل ألعاب 2022 زي Redfall و Starfield و STALKER 2 وغيرهم هي ألعاب موجهة بالكامل لمنصات الجيل الجديد Xbox Series X/S. الموضوع ده خوف ناس كتير معاها Xbox One لإن بكدة جهازهم مش هيكون له أي لازمة مع إنتهاء سنة 2022 خاصةً مع إنتهاء دعم الجهاز بحصريات إكس بوكس القوية !

ولكن متقلقوش لإنه في مقال جديد على موقع Xbox Wire أكدت Microsoft Xbox إن منصة Xbox One مش هتكون منصة ملهاش لازمة بدايةً من 2022 بل بالعكس إنت هتقدر تستمتع بألعاب الجيل الجديد زي Starfield على المنصة كمان، طب إزاي ؟

الموضوع مترتب على خدمة البث السحابي xCloud والي هتضاف لمنصة Xbox One خلال الفترة الي جاية، بوجود الخدمة ديه على جهازك فإنت هتقدر تعمل بث سحابي كامل من خوادم ميكروسوفت لمنصة Xbox One بتاعتك وطالما عندك سرعة نت عالية فمتقلقش من التجربة لإنها هتكون قريبة جداً من تجربة الجيل الجديد كمان، وبشكل عام ديه هي هي نفس التجربة الي بتقدمها الخدمة على الهواتف الذكية في الوقت الحالي.

في حاجة مهمة لازم نوضحها، خدمة البث السحابي xCloud بتعمل بث للألعاب بدقة 720p وده طبعاً مش افضل حاجة بالنسبة لدقة الأيام ديه ولكن في توقعات كتير الفترة ديه بتقول إن الدقة هتوصل لـ 1080p كمان وده هيكون مقبول جداً ويكاد يتناسب مع منصة الـ Xbox Series S.

الخلاصة إن لو معاك سرعة نت محترمة وجهاز Xbox One أو Xbox One X ومشترك في خدمة الـ Xbox Game Pass فإنت مش محتاج انك تشتري جهاز جيل جديد لإن خدمة البث السحابي xCloudهCloudمش محتاج انك تشتري جهاز جيل جديد لإن خدمة البث السحابي ت كتير الفترة الي جاية إن الدقة هتوصل لـ ، وبشكل عام ديه هي هي نفس  هتقضي الغرض إلى حدٍ ما، طبعاً ده مش معناه إن التجربة هتكون متساوية 100% مع الجيل الجديد، طبيعي من وقت للتاني هتحس بـ Lag وتهنيج والتجربة مش هتكون أكثر حاجة سلسة في الكون، متنساش انك بتعمل بث من منصة متوفرة في السوق بقالها حوالي 8 سنين حالياً.

لو تقدر تشتري جيل جديد حتى لو Xbox Series S فالتجربة هتكون أفضل بمراحل وهتعيش جو الجيل الجديد Native ولكن لو معكش فلوس حالياً بس في نفس الوقت عايز تستمتع بألعاب الجيل الجديد فالحل الوحيد إنك تتجه لخدمة xCloud. طبعاً الموضوع ده مش هينفع في مصر خلال الوقت الحالي لإن على الرغم من وجود سرعات محترمة تقدر تشغل الخدمة بدون مشاكل إلا إن Quota التحميل هي العامل السلبي والي الله وأعلم هيتصلح إمتى عشان نقدر ناخد تجربة إنترنت متكاملة الأركان.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.