الأخبار, عن الألعاب

إشاعة : إستوديو Obsidian شغال على The Outer Worlds 2

على حسب كلام المُحلل الشهير Daniel Ahmad فإستوديو Obsidian Entertainment شغال حالياً على مجموعة من المشاريع الضخمة أهمهم طبعاً The Outer Worlds 2.

لعبة The Outer Worlds نزلت من السنة ودعم اللعبة لسة مخلصش لإن الإستوديو مستمر في تنزيل التحديثات والإضافات، كمان الإستوديو شغال حالياً على ألعاب تانية زي Grounded الي نزلت كنسخة دخول مبكر ولعبة Avowed.

بس من الواضح إن الإستوديو مش هيوقف لحد هنا بل كمان هيركز على مشروع تالت وهو الجزء الثاني من The Outer Worlds. على حسب كلام المُحلل Daniel فاللعبة في مرحلة ما قبل الإنتاج يعني لسة في كلام عليها وعن التصميم الخاص بيها.

مظنش اننا هنشوف اللعبة في أي وقت قريب، اقرب لعبة هتصدر من الإستوديو هي Grounded وبعدها Avowed ودول ممكن يحصلوا في 2022  بأقصى تقدير، بعدها بقى ممكن نشوف الجزء الجديد من The Outer Worlds في 2023 أو 2024 مثلاً.

لعبة The Outer Worlds متوفرة دلوقتي للشراء على الحاسب الشخصي و PlayStation 4 و Xbox One و Nintendo Switch.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.