Gaming News, News

الإعلان عن موعد الإصدار الجديد للعبة Elite Dangerous Odyssey

إستوديو Frontier Developments أجل إصدار لعبة Elite Dangerous Odyssey بس في نفس الوقت شارك بمواعيد الإصدار الجديدة سواء على الحاسب الشخصي أو أجهزة الكونسول المنزلية.

لعبة Elite Dangerous Odyssey هتنزل الأول كنسخة Alpha على  منصة الحاسب الشخصي في أوائل ربيع 2021 يعني بين مارس وأبريل، وبعد كدة هتنزل النسخة النهائية والكاملة منها على منصة الحاسب الشخصي في أواخر ربيع 2021 يعني ممكن بين شهر مايو ويونيو. التأجيل ميعتبرش كبير على منصة الحاسب الشخصي و كدة كدة هي هتنزل الأول كنسخة Alpha للتجربة حتى لو اللعبة مش كاملة.

المشكلة بقى في نسخة الكونسول لأن التأجيل طويل شوية. الإستوديو أكد إن اللعبة هتنزل على PlayStation 4 و Xbox One في خريف 2021 يعني بين سبتمبر وديسمبر 2021. كمان الإستوديو مذكرش أي تفاصيل عن التحسينات الي المفروض تقدمها اللعبة على منصات الجيل الجديد PlayStation 5 و Xbox Series X | S.

على العموم هنستنى تفاصيل أكثر من الإستوديو خلال الفترة الي جاية عشان نعرف نسخة الــ Alpha هتقدملنا ايه الأول قبل إصدار النسخة الكاملة فا تابعونا على لينكات التواصل الإجتماعي خاصتنا عشان تعرفوا كل جديد لو مهتمين باللعبة ديه :

Website: www.gamezawy.com
Facebook: www.gamezawy.info
Instagram: www.gamezawy.co
YouTube: www.gamezawy.club
Telegram: t.me/gamezawyco

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.