Gaming News, News

الإعلان عن Battlefield 6 قرب

blank

حساب Battlefield الرسمي على Twitter شارك بتغريدة بتوضح أول التفاصيل الرسمية عن لعبة Battlefield 6 والي هتصدر في أواخر سنة 2021.

على حسب المقال الأخير الي صدر على موقع EA فلعبة Battlefield 6 هتقدملنا التجربة الأضخم والأعمق في السلسلة وإستوديو EA DICE بيوعد بتجربة مميزة  عن كل سنة. من الكلام الي مكتوب فمن الواضح إن الإستوديو مش هينزل اللعبة على منصات الجيل السابق وهيركز بشكل اساسي على الحاسب الشخصي و PlayStation 5 و Xbox Series X | S.

الإعلان عن اللعبة هيكون قريب جداً والي بنسبة كبيرة هيبقى  خلال شهر مايو بشكل منفصل أو في شهر يونيو في بث EA Play الجديد الي هيتم إستعراض ألعاب EA الجديدة كلها خلاله. لو اللعبة هتتماشى مع وقت إصدار الاجزاء الماضية فتوقعوا إننا نشوفها خلال شهر أكتوبر او نوفمبر سنة 2021 وأكيد انتظروا مراجعتنا للعبة باتل فيلد الأضخم.

مش بس هنشوف Battlefield 6، لا ده في لعبة Battlefield Mobile هتصدر خلال سنة 2022 والي هتنقل تجربة باتل فيلد العملاقة لأجهزة الهواتف الذكية، مفيش تفاصيل أكثر عنها حالياً.

 

Ahmed Yousry

About Ahmed Yousry

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.