Gaming News, News

تسريب تفاصيل عن نسخة جديدة من ثلاثية Tomb Raider

متجر Microsoft Xbox سرب نسخة جديدة من سلسلة ألعاب Tomb Raider تحت عنوان Tomb Raider Definitive Survivor Trilogy.

على حسب التسريب الأخير من متجر Xbox فالنسخة ديه هتضم الثلاثية الي نزلت بين 2013 و2018 تحت أسامي Tomb Raider و Rise of The Tomb Raider وطبعاً Shadow of The Tomb Raider بكل الإضافات الي نزلت لكل لعبة فيهم. بشكل عام النسخة الجديدة هتكون تجربة متكاملة للثلاثية بتاعت Tomb Raider.

على حسب التسريب الي اتنشر على متجر ميكروسوفت فالثلاثية ديه هتتوفر يوم 18 مارس الجاري بس حالياً الصفحة الخاصة بالثلاثية مبقتش موجودة على المتجر عشان من الواضح إنهم نشروها بدري قبل الموعد المُقرر ليها.

كمان لسة مفيش تفاصيل عن إصدار الثلاثية على الحاسب الشخصي او منصات PlayStation بس بنسبة كبيرة أكيد ده هيحصل. الثلاثية هتدعم بعض التحسينات لجهاز Xbox One X زي دقة 4K وخاصية HDR بس من الواضح إن مش هيكون في تحسينات على أجهزة الجيل الجديد.

تابعونا على السوشيال ميديا عشان تعرفوا اخر الاخبار والتسريبات :

Website: www.gamezawy.com
Facebook: www.gamezawy.info
Instagram: www.gamezawy.co
YouTube: www.gamezawy.club
Telegram: t.me/gamezawyco

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.