Preview, مقالات

تعرف علي جهاز Steam Deck : الجيمينج بي سي المحمول!

في الوقت اللي كلنا حاسين بإحباط تجاه شركة نينتندو اللي أعلنت عن جهاز Oled Switch للألعاب، بعد صولات وجولات وإشاعات بتقول إن في جهاز مطور من السويتش هيتم الإعلان عنه، تحت اسم السويتش برو، خرجت منصة ستيم المملوكة لستوديو تطوير األلعاب “فالف” للإعلان عن جهاز جديد اسمه Steam Deck وصفه الرسمي هو “مشغل محمول لمنصة ستيم” مع بعض المعلومات المتوفرة عنه ، بدون معلومات زيادة، أو وصف دقيق للمنصة لكن من خلال تحليل المعطيات نقدر نعرف معلومات مهمة عن الجهاز، وممكن نتناقش في بعض التوقعات.

في البداية لازم نتكلم شوية عن المواصفات التقنية للجهاز، واللي كانت مفاجأة الحقيقة إنها كانت قريبة جدًا من مواصفات
جهاز زي السيرس إس مثلًا
كارت الشاشة في الجهاز بيستخدم معمارية RDNA 2 و البروسيسور بيستخدم معمارية Zen 2 وهم الأتنين مستخدمين في الجيل الجديد، يعني المنصة تعتبر منصة جيل جديد. تردد المعالج الرسومي هيكون 1-1.6 والرامات هتكون 16 جيجا بنوعية LPDDR5. الموصافات دي كانت قادرة تشغل لعبة زي كنترول مثلًا بشكل ممتاز علي عهدة موقع ign اللي جربوا الجهاز.

الرامات 16 gbوده رقم محترم جدًا حالًيا. تردد المعالج هو 1-1.6 جيجا هرتز ويقال إنه هيشغل األلعاب علي دقة 1080 pوده شيء ممتاز. الشاشة بتاعة الجهاز 7 إنش وLCD الجهاز بيقبل الاتصال باالنترنت طبعًا، وكمان ممكن يتعرف علي كيبورد وماوس بكل سهولة، وممكن توصله لشاشة الكمبيوتر أو توقفه باستخدام ال Dockواللي بتتباع بشكل منفصل. لو قارنا الجهاز ده بالسويتش من حيث الشكل وحجم الزراير فواضح إنه جهاز كبير نسبًيا جنب سويتش، وكمان طبعًا ميزة تغيير الكنترولرز لو باظلو في الستويتش مش موجودة هنا. الجهاز في تاتش باد علي الناحيتين شبيهين بماوس اللابتوب عشان تستخدمهم في األلعاب الاستراتيجية مثلًا . أو بدل الأنالوج.

دي مواصفات الجهاز وزي ماحنا شايفين الجهاز يعتبر جهاز ممتاز كجهاز محمول، ويمكن أفضل بفرق كبير عن السويتش ولكن الفكرة مش بس في المواصفات، احنا عايزين نعرف الجهاز ده موجه لمين؟

عادة السبب اللي يخليك جهاز زي النينتدو سويتش مثلًا هو احتياجك الشديد لجهاز محمول، أو لو عايز تجرب لعبة حصرية قوية زي لعبة زيلدا، بما إن الجهاز الجديد بتاع فالف مبني علي فكرة كونه مشغل ستيم، فهو يعتبر جذاب للي عايز جهاز محمول قوي من غير مايحس إنه علي جهاز منعزل، لإن ألعاب السويتش بتحتاج نسخة خاصة من الألعاب متطورة للجهاز لوحده، لكن ستيم دك هيشغل الألعاب المطورة للبي سي، وده فرق مش قليل. أوإنك تكون عايز جهاز قريب من أجهزة الجيل الجديد، ويكون محمول.

سعر الجهاز

هنا مشكلة كبيرة إنه متوفر بسعات تخزين تلاتة وهم 64 و 256 و 512 وأسعارهم $ 399 و $ 529 و $ 649 بالترتيب. ولسا مانعرفش إيه نظام أحدام األلعاب، هل هيتم ضغطها بشكل كبير زي ألعاب السويتش وال هتكون زي العاب البي سي؟ لو زي البي سي ففي ألعاب كتير ممكن تبقي أحجامها أكبر من سعة تخزين جهازك نفسه في النسخة ال STANDARDال64 جيجا!! فلو فكرنا مثلًا في جهاز ال256 جيجا ده أغلي 100 دلار من جهاز عظيم أسمه الإكس بوكس سيرس إس! فلو إنت عايز منصة جيل جديد إيه اللي يخليك تشتري ستيم دك؟ الحقيقة أنا مش قادر أحدد لسا الجهاز ده موجه لمين، لكن المؤكد إنه جهاز مثير للإهتمام بسبب مواصفاته القوية.

في النهاية:

بتوقع إن الجهاز ممكن يبقي بداية حلوة لفالف في الدخول لعالم الأجهزة لكن أتمني أشوفهم بطوروا أو بيمولوا حصرية قوية تبقي سبب لارتفاع مبيعات للجهاز. لا شك إن الجهاز دليل حي علي إن ممكن يبقي في جهاز ألعاب محمول بمواصفات تعتبر مرتفعة، لكن برضو لازم نشوفه بنفسنا ونتأكد بعد ما نشوف أداءات الألعاب عليه. الحقيقة الجهاز عاجبني وشكله في هيبه كده وجذاب لكن سعره مش رخيص. ماتقدرش أبدًا تقول عليه جهاز لقطة أو اقتصادي. لكن الهدف من طرحه مش إنه يبقي الجهاز الأرخص للاعبين، لكن إنه يبقي الجهاز المحمول الأفضل. علي العموم هو هيتوفر في كندا وأمريكا وأوروبا فقط وقت اإلصدار، واللي متوقع يكون في الربع الأول من السنة الجاية، وممكن يتوفر في بقية مناطق العالم في أوقات لاحقة.

Mostafa Argoun

About Mostafa Argoun

محرر في مجال الألعاب منذ عام 2012 بعتبر الألعاب فن، وبحب ألعاب القصة والأر بي جي بشكل رئيسي