Console News, Gaming News, News

كل التفاصيل الي محتاج تعرفها عن إستحواذ اكس بوكس على بيثيسدا

النهاردة اليوم المنتظر من شهور طويلة وتم الإعلان بشكل رسمي عن إنتهاء صفقة الإستحواذ بين ميكروسوفت و Bethesda و دلوقتي شركة Bethesda وكل الإستوديوهات الي تحتها بقت من ضمن Xbox Game Studios.

طيب ده معناه إيه بقى ؟ للأسف مجاش رد صارم من اكس بوكس حوالين الحصريات وكل الي اتقال إن بعض الألعاب المستقبلية من إستوديوهات Bethesda هتتوفر بشكل حصري على الحاسب الشخصي ومنصات Xbox. الناس الي معاها PlayStation كان نفسهم يتقال إن كل الألعاب هتنزل على كل المنصات عادي والناس الي معاهم Xbox كان نفسهم يتقال إن كل الألعاب هتبقى حصرية عندهم هما بس وللأسف الرد من ميكروسوفت مكنش صارم.

ناس كتير بتتوقع إن الألعاب الأونلاين زي Fallout 76 والحاجات الي زي The Elder Scrolls Online هي الي هتتوفر على PlayStation وممكن Nintendo كمان إنما ألعاب القصة العملاقة زي Starfield و The Elder Scrolls 6 و Fallout 5 و DOOM 3 و Wolfenstein 3 وغيرهم دول هيبقوا حصريات على Xbox.

في ناس بقى شايفة حاجة تانية خالص وبتقول إن الألعاب الضخمة زي Starfield و The Elder Scrolls 6 هتتوفر على كل المنصات لإنهم ألعاب عملاقة وميكروسوفت هتستفيد من الفلوس. بشكل عام احنا منعرفش حاجة وكل الكلام د ه مجرد توقعات وتنبؤات ومش هنعرف حاجة إلا لما ميكروسوفت تعلن عن ألعاب مُعينة وتأكد سواء الألعاب ديه هتكون حصرية ولا هتتوفر على كل المنصات. بس أغلبية الأراء بتقول إن Starfield هتبقى حصرية على Xbox والحاسب الشخصي.

إحتفالاً بالمناسبة ديه فا خلال الأسبوع الجاري هنشوف إضافة مجموعة كبيرة من ألعاب Bethesda لخدمة Xbox Game Pass زي The Evil Within وغيرها من الألعاب القوية. متنساش تتابعنا على السوشيال ميديا عشان تعرف أخر الأخبار :

Website: www.gamezawy.com
Facebook: www.gamezawy.info
Instagram: www.gamezawy.co
YouTube: www.gamezawy.club
Telegram: t.me/gamezawyco

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.