الأخبار, عن الألعاب

لعبة مخرج A Way Out القادمة هيتم الإعلان عنها قريب

الإعلامي Jeff Grubb من Venture Beat لمح على حسابه الرسمي على موقع Twitter عن إن لعبة Josef Fares الجديدة هيتم الإعلان عنها قريب جداً.

في شخص كان بيتكلم عن اللقطة الي اتكلم فيها Josef Fares في حدث The Game Awards 2018 وشتم فيها الـ Oscars وبيقول انه حب اللقطة جداً ، الإعلامي Jeff Grubb رد على التغريدة ديه وقاله جهز نفسك لحاجات تانية زيها قريب.

بنسبة كبيرة ده طبعاً تلميح على لعبة Josef Fares الجديدة وإن هيتم الإعلان عنها قريب. اللعبة بالفعل في التطوير بقالها اكتر من سنتين لإنها دخلت مرحلة التطوير أول ما تم إصدار لعبة A Way Out في أوائل 2018. اللعبة هتكون من نشر شركة EA وشركة EA عندها حدث مباشر في 11 يونيو 2020 وإحتمال كبير نشوف الإعلان الرسمي للعبة خلال البث المباشر الخاص بالشركة.

لعبة A Way Out متوفرة للشراء على الحاسب الشخصي و Xbox One و PlayStation 4.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.