أخبار اجهزه الفيديو, الأخبار

لعبة Crysis Remastered هتدعم تقنية تتبع الأشعة على البي سي و أجهزة الكونسول

blank

إستوديو Crytek أكد بشكل رسمي إن لعبته الي جاية Crysis Remastered هتدعم تقنية تتبع الأشعة سواء على الحاسب الشخصي أو PS4 Pro و Xbox one X.

نسخة الكونسول من تقنية تتبع الأشعة هتكون ضمن اللعبة نفسها. ده معناه إن محرك اللعبة نفسه هيقدر يقدملك تقنية تتبع أشعة كويسة جداً حتى لو الجهاز نفسه الخاص بيك مش داعم التقنية بشكل كامل وفعلياً منصات PS4 Pro و Xbox One X مش بيدعموا تقنية تتبع الأشعة وعشان كدة شركة Crytek هتستخدم تقنية خاصة بالمحرك الخاص بيهم.

بالنسبة بقى لمنصة الحاسب الشخصي فأنت هتقدر تلعب اللعبة بتقنية تتبع أشعة كاملة عن طريق بطاقات نفيديا RTX. الجيل الجديد من أجهزة الكونسول PlayStation 5 و Xbox Series X هيدعم تقنية تتبع الأشعة الكاملة عشان كدة هنشوف تحسن رسومي قوي.

تتوفر Crysis Remastered على الحاسب الشخصي و PlayStation 4 و  Xbox One في 18 سبتمبر 2020.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.