شركة Electronic Arts نزلت معظم ألعابها على متجر Steam خلال الأيام الي فاتت ولعبة Titanfall 2 كانت واحدة منهم.
لعبة Titanfall 2 لما نزلت في 2016 محققتش نجاح كبير لإنها نزلت بين لعبتين أقوياء جداً وهما Call of Duty Infinite Warfare و battlefield 1. للأسف اللعبة مباعتش كويس ولكنها حصلت على تقييمات ممتازة سواء من النقاد أو من اللاعبين بشكل عام.
دلوقتي تقدر تجرب اللعبة على متجر Steam بسعر 10 دولار أمريكي بس وقدرت اللعبة تبيع بشكل ممتاز على متجر Steam ونقدر نقول إنها رجعت للحياة مرة تانية. البيانات الخاصة بمتجر Steam وضحت إن اللعبة خلال أيام قدرت توصل لأكثر من 7000 لاعب متصل في نفس الوقت وده رقم ضخم جداً. تقدر برضو تشتري اللعبة على الحاسب الشخصي عبر متجر Origin و على PlayStation 4 و Xbox One.