Gaming News, News

لعبة Watch Dogs Legion هتشتغل على 30 فريم على الجيل الجديد

blank

شركة Ubisoft أعلنت عبر أسئلة وأجوبة في Twitter عن أداء لعبة Watch Dogs Legion على الجيل الجديد من أجهزة الكونسول.

كان في بعض التوقعات إن لعبة Watch Dogs Legion هتشتغل على 60 فريم في الثانية على الجيل الجديد زي Assassin’s Creed Valhalla ولكن يوبي سوفت أكدت إن Watch Dogs Legion هتشتغل على 30 فريم على PlayStation 5 و Xbox Series X.

على الرغم من إن الاجهزة تقدر تشغل اللعبة على 60 فريم إلا  أن اللعبة هتدعم تقنية تتبع الأشعة وهتكون Native 4K عشان كدة مش هتشتغل على 60 فريم. لعبة زي Assassin’s Creed Valhalla مفيهاش تتبع الأشعة فا هيكون اسهل انهم يخلوها تشتغل على 60 فريم.

للأسف متمش الإعلان عن أداء اللعبة على جهاز Xbox Series S بس نقدر نتوقع انه هيشتغل على دقة 1080p أو 1440p زي باقي الألعاب على 30 فريم برضو مع دعم تتبع الأشعة.

لعبة Watch Dogs Legion هتتوفر يوم 29 أكتوبر على PS4 و Xbox One و PC وبعد كدة يوم 10 نوفمبر  على Xbox Series X | S وأخيراً على PS5 يوم 12 نوفمبر.

Ahmed Yousry

About Ahmed Yousry

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.