Gaming News, News

متجر اكس بوكس يحذر المستخدمين قبل شراء Cyberpunk 2077

blank

على عكس PlayStation فا متجر اكس بوكس اخد قرار مختلف تماماً من ناحية لعبة Cyberpunk 2077 وشخصياً شايف انه القرار الأفضل.

حالياً قبل ما تشتري لعبة Cyberpunk 2077 المتجر بيديك رسالة تحذيرية بتوضح إن اللعبة مليئة بالمشاكل التقنية والأخطاء والجلتشات وكل حاجة فا هل انت واثق فعلاً من انك عايز تشتري اللعبة ولا لا ؟

كمان لو انت اصلاً اشتريت اللعبة تقدر تعمل Refund بدون أي مشاكل إطلاقاً وتاخد كل فلوسك . لو فاكرين فا PlayStation قرروا يشيلوا اللعبة تماماً من المتجر ويرجعوا للناس فلوسها على الرغم من إن اللعبة شغالة كويسة على PS4 Pro و PlayStation 5.

ميكروسوفت فكرت بذكاء شوية وخلت اللعبة على المتجر للي عايز يشتريها بس لو انت اللعبة معاك أصلاً وبتواجهك فيها مشاكل فا تقدر تعمل Refund عادي. الشركة بتديك الاختيار تعمل الي انت عايزه وسايبة اللعبة على المتجر عادي خاصةً وإنها شغالة كويس جداً على Xbox One X و Xbox Series X | S.

Ahmed Yousry

About Ahmed Yousry

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.