Articles, Console News, News, Reviews, مراجعات

مراجعة Shadow Warriors 3

معلومات عامة و القصة:

ناس كتير يمكن مش عارفة سلسلة Shadow Warrior و يمكن حتي ماسمعوش عن ان الجزء الثالث من السلسلة نزل من كام يوم تحديداً يوم ١ مارس و الجزء ده قدم اختلافات كبيرة شوية عن الجزء الي قبليه بحيث ان اللعبة المرة دي خطية تماماً مهمات متصلة ورا بعض بتلعب فيها بشخصية لوو وانج اخر ساموراي علي الارض في مواجهه تنين ضخم علي صدد تدمير الكوكب.
القصة للأسف مرتبطة بالأجزاء القديمة خاصة من ناحية الشخصيات ومافيش تعريف الشخص ده عدو ليك ولا صديق ولا ايه بس بتكتشف ده بمرور الوقت ولكن بشكل عام القصة بسيطة جدا غرضها تحريك الاحداث لقدام مع مشاهد سينيمائية مضحكة خاصة شخصية لوو وانج مسخرة يمكن بشكل زيادة حبتيين بحيث انو طول ما انتا بتلعب هتلاقيه بيرمي افيهات علي الاعداء الي بتموتهم او شخصيات القصة و اسقاطات علي افلام مشهورة زي Spider Man و Fast & Furious و غيرة.
من الاخر القصة ظريفة بس مش اكترو اللعبة عمرها الحقيقة قصير بنتكلم علي اقصي صعوبة مش هتعدي ال٦ ساعات لعب وهنا هندخل في جزئية القيمة مقابل السعر اللعبة بتتباع بسعر ٥٠ دولار بشكل رسمي و السعر ده ممكن يكون مرتفع شويتين علي محتوي اللعبة.

طريقة اللعب

لو انتا عارف نظام DOOM او لعبتها قبل كدا فا مش لازم تقرا الجزء ده بصراحة يعني اللعبة متأثرة بDOOM جدا من ناحية الFast Paced FPS و الحركة السريعة و الDash و الGore و الدموية الشديدة زي تقطيع الاعداء وتفجيرهم و فعصهم وحاجة يعني +18 جدا لكنه ممتع جدا جدا.
اللعبة عبارة عن ساحات للقتال و بتتنقل بينهم بس و التنقل ده مافيهوش احداث كتير يمكن بعض المراحل كان بيحصل حاجات مثيرة شوية بس بشكل عام اللعب كله بيبقي في الساحات دي الي فيها تشكيلة محترمة من الاعداء الي بيتفتحو بشكل تدريجي كل ما تتقدم في القصة و كل عدو ليه تصمييم مختلف تماماً و احجام مختلفة الي بيطير و الي بيرمي متفجرات والي بيجري عليك وينفجر و بعضهم بيتطلب طريقة معينه للقتل والي اللعبه هنا بتديك حرية كبيرة في طريقة القتل بحيث ان عندك ٦ اسلحة متنوعين من مسدس و شوتجن و سلاح بيرمي اقراص و سيف الكاتانا وغيره وبيتفتحو بالتدريج برضو وتقدر تعمل Upgrade للأسلحة دي في بعض الخصائص بس زي ان الشوتجن يبقي اوتوماتيك مثلا انما مافيش تعديلات ظاهرية علي الاسلحة.كذلك الشخصية تقدر تعمل ليها ابجريد من ناحية الهلث او القدرات و غيره ودا عن طريق نقط بتجمعمهم سواء من عالم اللعبة او عن طريق قتل عدد معين من الاعداء بالطريقة الفلانية فا اللعبة بتكافئك علي كدا بنقط تقدر تعمل بيها تطوير سواء للأسلحة او الشخصية.
بشكل عام الGameplay هوا اساس اللعبة دي و بصراحة ممتع جدا جدا و سريع.

الرسوميات و الجانب التقني:

اللعبة لعبتها علي جهاز XBOX Series X وماعنديش علم الدقة الي شغاله بيها اللعبة ايه بس اظن انها اقل من 4K بس اعلي من 1080p مع ٦٠ اطار الكلام ده مش مقنع اللعبة اصلا لعبة جيل قديم و خطية المفروض كان يتقدم 4K حقيقي مع ٦٠ اطار و 4K ديناميكي مع اطارات مفتوحة لحد ١٢٠.
نيجي للرسوميات زي ما قلت اللعبة تعتبر لعبة جيل قديم معمولها Port للجيل الجديد من غير اي تحسين في الرسوميات تقريباً لكن اللعبة شكلها معقول جدا و فيها كادرات حلوة و مشاهد كويسة يمكن الخامات و الفيزيائية بتاعت بعض الحاجت مش قد كدا بس بشكل عام اللعبة Fast Paced اصلا مش هتلاحظ الكلام دا بشكل كبير. يمكن الي قفلني شوية هوا ان المشاهد السينيمائية عبارة عن فيديوهات متصورة قبل كدا بجودة مش عالية وانا مش فاكر امتي اخر مرة لعبت لعبة بتستخدم الموضوع ده لأن كل اللعب بتقدم مشاهد من جوا محرك اللعبة نفسه دلوقتي مش بس كدا كان في بعص المشاكل في حركة الوشوش.
الجانب التقني يعني هيا اللعبة بسيطة من ناحية القوايم مش بتدعم اللغة العربية و مش بتدعم الFOV Slider لسبب ما.
واجهني بعص الGlitches خاصة الVisual Glitches بعضها خلاني اعيد الشيك بوينت فا يعني كان الموضوع ممل شوية برضو كان في مشاكل في بعض المهمات الي فيها تنقل بعضها كان فيه مشاكل شوية بتخيلك تعيد الجزء ده لحد ١٠ مرات مثلا بسبب التصميم الغريب للمهمة.

الخلاصة:

اللعبة ممتعة جدا للناس الي بتدور علي حاجة سريعة و خطية و خاصة محبي DOOM لأنها متأثرة بيها جدا
تقييمي ليها هيكون ٧ من ١٠ ودا مش معناه انها سيئة خالص لا انصح بيها جدا ولكن في وجود خصم مش بسعر ٥٠ دولار

7/10

One thought on “مراجعة Shadow Warriors 3

Comments are closed.