إشاعة جديدة تم نشرها من المُسرب Okami على حسابه الرسمي على موقع Twitter. المُسرب Okami اكد إن لعبة Call of Duty الجديدة هتكون تحت عنوان Black Ops Cold War.
شركة Activision مقالتش أي حاجة عن التسريب ده وده شئ طبيعي ولكن إحنا بنتوقع إن التسريب حقيقي فعلاً. المُسرب Okami سرب قبل كدة موعد إصدار Call of Duty Warzone و Call of Duty Modern Warfare 2 Remastered وكان صح في المرتين.
احنا بنقترح إن اللعبة هيتم الإعلان عنها خلال الشهر الجاري أو الأسابيع القادمة في حدث الإعلان عن منصة PlayStation 5. في إشاعة بتقول إن شركة Sony بتجهز لبث مباشر لمنصة PlayStation 5 في أوائل شهر يونيو ولو الإشاعة ديه صح فا ده هيكون أنسب وقت للإعلان عن اللعبة وإستعراضها على منصة PlayStation 5 في البث المباشر.