Articles, Console News, مقالات

تقرير عن تاريخ سلسلة Fable

تقرير عن تاريخ سلسلة Fable

تقرير عن تاريخ سلسلة Fable
ليه Fable عليها ضجة
هل هي سلسلة العاب حلوة؟
طب ايه سبب شهرتها؟

بكل بساطة تعالوا نرجع لورا بالزمن وهنفهم القصة، لما اليابانين قدموا لينا العاب تقمص الادوار كانت مفاهيم الRPG تظهر فقط في أسلوب القتال وبناء قوة الشخصية

ثم جه الغرب واضافوا وطبقوا مفاهيم الRPG في القصة كمان مش بس اسلوب القتال وبناء الشخصية، ومش بس كده، كمان خلوا العاب تقمص الادوار تكون أكشن حقيقية الحركة وليست ادوار.

طيب مطوري Fable عملوا ايه؟
عملوا حركة حلوة اوي، الا وهي انهم أضافوا بُعد ثالث وهو تطبيق مفاهيم الRPG في العالم نفسه وتفاعل الناس والبيئة معاك وعلى حسب أفعالك واختياراتك

فيعني عندنا كده 3 ابعاد
الاول تطبيق مفهوم الRPG في القتال
الثاني تطبيق مفاهيم الRPG في القصة
الثالث تطبيق مفاهيم الRPG في العالم

فلما نزلت #fable كانت أول لعبة RPG يكون فيها كل الابعاد دي، وطبعا كل بُعد كان معمول بعناية، خصوصا بتاع العالم، لان كان في زي نظام السمعة اللي موجود في Red Dead Redemption ويا هتكون طيب يا هتكون شرير انت حر وكله حسب أفعالك، وبتشوف نتائج أفعالك ديما في العالم.

كمان تقدر تمتلك عقارات او محلات وكمان تقدر تشتغل اشغال اخرى غير الحرب، زي مثلا ابقى خباز أو بائع فاكهة أو نجار أو صياد وغيره كتير، ومش بس كده ينفع كمان تتجوز واحدة واتنين وتلاتة، بس قعد كل واحدة في بيت عشان ميعرفوش ويبهدلوك🤣 وطبعا هتخلف منهم ويبقى عندك اولاد شخصيات تظهر فجأة في اللعبة وتقوم بتربيتهم، وهيحاربوا معاك -متقلقش يا بابا وراك رجالة- 🤭

كمان كانت اللعبة مسهلة نفسها شوية، بتعرفك المهمة فين وكده على عكس العاب الRPG وقتها كان مشهورة بتعقيدها، برده كانت مش بتقدم توجه فني ظلامي زي العاب RPG الأمريكية ولا خفيف الظل زي العاب اليابانية، كانت حاجة في النص كده، مع الموسيقى الجميلة المميزة والعالم الضخم الساحر خلى كل ده العاب Fable محبوبة

طبعا سلسلة Fable خصوصا اول جزئين فيها من الألعاب الجميلة اللي لازم تلعبها، لو استحملت شوية أنها قديمة، أو ممكن تستنى الجزء الريبوت الجديد اللي هيكون من تطوير فريق Forza Horizon واللي أن شاء الله هترجع السلسة لمجدها ❤️