إستوديو Frictional Games أصدر عرض جديد للعبة Amnesia Rebirth بيستعرض لينا القصة الي هتقدمها اللعبة ومختلف البيئات الي هنترعب فيها.
في عرض القصة احنا بنستمع لشخصية Salim وهو واحد من الناجين الذي كان في طائرة Cassandra الي سقطت واصطدمت في 3 مارس 1937، هو وبعض من الاخرين كانوا مصابين فا فضلوا في المكان و باقي الطاقم راحوا يجيبوا مساعدة.
كل الناس الي كانوا مع Salim ماتوا بسبب وجود كائن غريب وهو راح ورا الطاقم في الجبل وأكد انه هيسيب علامات للطريق الي هيمشي فيه، طبعاً الشخصية الي احنا هنلعب فيها هتمشي في طريق Salim في الجبل ولازم نكتشف سر المكان ده عشان نعرف ايه الكائن وليه كان بيقتل الناس وازاي كان بيأثر على عقولهم زي ما عرض القصة موضح النقك ديه.
العرض بيركز كمان على استعراض مجموعة من البيئات الي هنشوفها في اللعبة واللعبة مليانة ببيئات تصميمها الرسومي خرافي بصراحة. لعبة Amnesia Rebirth هتصدر على الحاسب الشخصي عبر Steam و GOG و Epic Games Store وهتصدر كمان على PlayStation 4 في 20 أكتوبر 2020 بسعر 30 دولار أمريكي.
promidoz
