Anti-Aliasing

الاول يعني ايه aliasing:

هو باختصار الانعراج الي بيحصل للصوره وانت بتلعب نتيجه ان الصور علي الpc مكونه من مجموعه مربعات
اسمهم pixels علي عكس المواد في الحقيقيه الي بتكون واخده شكل دائري اكتر من الاطراف,وده مش
هتحس بيه لو عملت خط مستقيم من البيكسلات ده انما لو حاولت انك تعمل خط مائل او معووج هتلاحظ
التعرج فالاطراف وده بيسببتشوه عام لمنظر الصوره وانت بتلعب وده شئ غير مرحب بيه من اغلب
الناس وعلشانكده كان في جهود كتير عبر السنين وتيكنيكات كتير لحل المشكله ده وكلهم بيندرجوا
تحت مسمي ِAnti-Aliasing, وفي المقاله ده هيتم التعرف علي بعض التيكنيك المستخدمه في حل المشكله

طريقه SSAA:

لو افترضنا ان عندنا grid او مساحه كبيره من البيكسلات متجمعه جمب بعضها وجينا عملنا shading للبيكسلات
الي محتاجنيها علشان نكون الصوره هنهلاقي في اجزاء من الفريم لسه فيها تعريجات, وكان احد الحلول هو اننا
نضاعف حجم الgrid لاربع اضعاف فكده نغطي بقيه المنطقه من البيكسلات فيكون عندنا صوره احسن
بلا تعرجات والطريقه ده اسمها OGSSAA او
orderedgrid supersampling. ولكن كان في مشاكل بتواجه الحل ده وهي ان مثلا لو كانت الصوره افقيه مش
رأسيه وساعتها هيكون عندنا نفس المشكله تاني وهنا طلعوا بحل جديد وكان عن طريق انهم يعكسوا الحل
و يخلوه افقي بدل رأسي او ما يسميب sparse grid supersampling. ولكن الحلين دول فيهم مشاكل كتير اهمها انك علشان تعمل كده محتاج تضاعف عدد البيكسلات
 ل4 اضعاف اي انك محتاج ترندر اللعبه علي اربع اضعاف الدقه الاصليه وده بيخليهم تقال جدا علي الgpu
وكان لازم يكون في حل بديل

طريقه MSAA:

وهنا بدل ما يعاملوا الصوره كلها ويضاعفوا عدد البيكسلات كان الحل الافضل انهم يضاعفوا عدد البيكسلات
الي فالاطراف ده وده ادي الي صوره افضل باستهلاك اقل بكتير من تقنيات الSSAA. وده بيتم عن طريق اخد
عينات من اطراف الفريم وجمعهم مع بعض في صوره واحده فيها جوده عاليه. ولكن برضوا حتي ده كان فيها
مشاكل اهمها انك لو بتتحرك في سرعه عاليه فبسبب الحركه العاليه هتتكون انعراجات برضوا فالصوره
خصوصا في المجسمات البعيده  

طريقه Post- processing Anti-Alising:

وده تعتبر اخف طريقه للAA وده لانها ببساطه الي بتعمله انها بتحط طبقه من الblur علي اطراف المجسمات
بعد ما الفريم يرندر بالكامل لازاله التعريج ومنها طرق كتير زي FXAA او MLAA بس في مشكله انها لو
استخدمت لوحدها ممكن تخلي اغلب الصوره فيها طبقه من الblur مزعجه ويفضل ان يتم استخدامها مع طرقتانيه للAA علشان تاخد احسن جوده ممكنه. 

طريقه الTAA:

TAA او temporal antialiasing هي تعتبر من احدث طرق الAA المستخدمه حديثا, حيث انها وبالرغم
من انها بتتطلب قوه اكبر من الFXAA ولكن بتقدم صوره اكتر من ممتازه مقارنه بيها واحسن
برضوا من الSMAA باستهلاك اقل للgpu. وفكرتها ببساطه انها بتجمع ما بين كذا طريقه للAA
مع بعض مكونه صوره احسن وافضل وباستهلاك اقل.

طريقه الDLSS:

وهي اختصار ل deep learning supersampling, و هي تقنيه جديده من انتاج nvidia لكروت الRTX بتسمح باستخدام الذكاء الاصطناعي انه يجمع كذا صوره
بجوده ضعيفه وجمعهم مع بعض ويعملهم upscaling علشان توصل للجوده المطلوبه وده علي عكس كل الطرق
القديمه المستخدمه حيث انها الاخف علي الgpu وصاحبه اعلي اداء بافضل جوده ممكنه