Articles, News

شرح الbackwards compatibility

دلوقتي كل اخبار الكونسول بتتكلم عن ان ازاي ان الجيل الجديد هيشغل العاب الجيل القديم عادي عن طريق حاجه اسمها backwards compatibility فانا عامل المقالة ده علي هدف إني اوضلحكم ازاي بتشتغل وتاريخها ومن امتي وحاجه زي كده بقت موجودة.

قبل جبل الps1

الاول خلينا نرجع بالزمن شويه لجيل الاتاري القدبم ايام ما كانت الالعاب لسه بتتباع علي شرايط والي كان من الصعب علي اصحاب الأجهزة ده زي ننتندو او سيجا انهم يشغلوا العاب الأجهزة الاقدم منها عليها وده كان بيرجع لمشكله في تصميم الشريط نفسه, حيث ان الفروقات بين كل كونسول والي قبله كانت بتبان اكتر في الشريط نفسه من حيث الاداء والمساحه المطلوبه والي  ادي ان كل شريط بيطلب عدد بينات معين فكان من الصعب إنك تلاقي جهاز بيدعم العاب الجيل الي قبليه ,غير كمان ان كل ريجون في العالم ليه تصميم شرايط خاص بيه وفق لمعاير معينه يعني لو كنت اشتريت جهاز من اوروبا فكان مستحيل تشغل الالعاب الامريكيه والعكس

محاولات سوني في دعم الالعاب القديمه

لكن كل ده اتغير مع دخول الps1 ومعاه جه الاستنارد الجديد لتخزين الألعاب وهو الcd والي بسبب ان تصميمه واحد وفي أي حته فالعام تقدر تشتريه ويشتغل على أي حاجه فكان واضح ان شكل الصناعفلما نزل الps2 كان بيقدم دعم كامل لألعاب الps1 بس ده كان بيتم ازاي؟ة هتتغير بالكامل وقد كان.
في الحقيقة سوني عملت حركه صايعه وهي انها حطت نفس البروسيسور بتاع الps1 جوا الps2
فلما كنت بتحط اسطوانه الps1 جوا الps2 فانت حرفيا كنت بتلعب علي ps1.
بعد كده وفي سنه 2006 ولما الps3 نزل للأسواق كان بيقدم دعم كامل لألعاب الps2 والps1 مع بعض وده لان سوني عملت نفس الحركة تاني بس المرة ده ضافت قطع الps2 بالكامل جوا الps3 من حيث الgpu  والcpu وحتى الرام على عكس الps2 الي كان فيه نفس بروسيسور الps1 بس.
بس للأسف الحلو ميكملش وبسبب تكلفه الكونسول العالية والمنافسة الشديدة اضطرت سوني انها تشيل القطع ده من الموديلات الslim بعد كده وبكده بقي الps3 غير قادر علي تشغل العاب الجيل الماضي, ولكن مش لوقت طويل;
فمع صدور الps3 super slim سوني خدت منعطف تاني في ال backwards compatibility وهي الsoftware emulation يعني باختصار مش هيحطو أي قطع فيزيائية من الجيل الي فات ولكن كله هيتم على هاردوير الps3 نفسه عن طريق السوفتوير وعلى الرغم انه كان مش مكلف كتصنيع الا ان مش كل الألعاب كانت بتشتغل بكفائه وحتى كان في العاب كامله مش بتشتغل من أساسه وده لينك في ليست بالألعاب الي كانت بتشتغل. وفي 2013 ومع صدور الps4 سوني أعلنت رسميا انه مش هيدعم تشغيل أي العاب من الأجيال القديمة وده كان لكذا سبب اهمهم ان البروسيسور الي موجود فالps3  كان أقوى بمراحل من الي فالps4 وده الي خلاه امر مستحيل بس مش ده النهاية:  ففي 2015 سوني رجعت دعم العاب الps2 تاني عن طريق الemulation ولكن المرة ده بادء أحسن ودعم العاب أكبر. 

بعد كده كان عندنا شركه غلبانه كده في زاوية لوحدها اسمها نينتندو ودول بقي مشغلوش دماغهم بالموضوع كله حيث انهم مش محتاجين لان على مدار 3 أجيال ورا بعض كانت بتستعمل نفس الهاردوير بتعديلات بسيطة فكان الGameCube زي الWii زي الWiiU فالموضوع مكنش شاغلهم بحاجه

دور مايكروسوفت في دعم الاجهزه القديمه

نيجي بقي لاهم شركه اهتمت بالمجال و كان ليها توجه كبير في دعم الألعاب القديمه والي هي طبعا microsoft
ففي سنه 2005 لما الxbox 360 نزل مكنش بيدعم العاب الxbox الأول انما بعد كذا سنه اتضافت ميزه برضوا عن طريق الemulation لكن مع دعم احسن بكتير –اصل ده مايكروسفت يعني لو مكنتش تقدر تعمل كده مين يقدر-
لكن ومع صدور الxbox one كان في مشكله كبيره وهي ان البروسيور بتاع الxbox 360 كان برضوا اقوي من الxbox one وده الي مخلي الموضوع نظريا مستحيل بس ازاي بقي قدرت مايكروسوفت انها تعملها فده الصياعه بعينها بقي حيث انها مشيت في الاتجاهين مع بعض حيث وضعت أجزاء من الxbox 360جوا الone والي مكنش يقدر يحاكيها بالسوفتوير وفوق كده كان بيستعمل قدرات الone في انه يحسن حتي من تجربه الألعاب ده عن طريق السوفتوير ومع الوقت والدعم مايكروسوفت أعلنت رسميا ان كل العاب الxbox وال360 كلهم شغالين بكفائه علي الone ودلوقتي كمان الseries x|s مع دعم مميزات كتير زي ال4k والفريمات العاليه والي كانت مستحيله علي الاجهزه الاساسيه  

ودلوقتي وصلنا للجيل الجديد والي زي ما قلت هيدعم الجيل الي قبله بنسبه 100% تقريبا لكن الps5 مش هيدعم الps3 وده لنفس السبب الي شرحته فوق