Articles, Console News, Gaming News, News

بعض الالعاب اللي اتمنى ميكروسوفت تعيد أحيائها

بعض الالعاب اللي اتمنى ميكروسوفت تعيد أحيائها

1- جزء ثاني اوي ريبوت للعبة Wet، ودي لعبة من بثيسدا، ونالت إعجاب الجميع ولكن للاسف فشلت تجاربها لأنها نزلت في فترة صعبة، وادى ذلك إلي إلغاء الجزء الثاني.

اللعبة افضل فريق يطورها في رأي هو Ninja Theory

2- احياء لعبة Scalebound ودي طبعا الكل عارفها اللعبة الطموحة والعالم مفتوح واللي اتلغت بسبب استغلال المطور لفلوس المشروع في مشاريع تانية، ولكن حقوق اللعبة و assets بتاعتها لسة مع ميكرو، فالمفروض ينفع تستأنف المشروع.

اللعبة افضل فريق يطورها في رأي هو Asobo Game

3- ريبوت أو ريميك للعبة الشهيرة Banjo Kazooie، اللعبة دي كانت في فترة اشهر لعبة بلاتفورمر بعد ماريو، واللي في نفس الوقت الهمت سلسلة ماريو الكثير من افكارها، ومن البديهي ميكرو تستغل الاسم ده وتعيد اللعبة دي لمكانتها.

اللعبة افضل فريق يطورها في رأي هو Playtonic Games

4- تكملة للعبة Quantum Break، واللي كانت حلوة جدا بس نقصها حاجات بسيطة عشان تكون عظيمة، والحلو اكتر فيها هو تناولها مفهوم الزمن نفسه مش مجرد استغلال ليه وخلاص، اللعبة تجربة سينمائية جميلة والمفروض ميكروسوفت ترجعلها

اللعبة افضل فريق يطورها في رأي هو The Coalition أو The Initiative أو IO Interactive أو Krome Studios

5- جزء جديد من Fallout New Vegas، هي طبعا fallout سلسلة حية ومش هتنتهي بس جزء جديد من فريق Obsidian اكيد دي حاجة الكل عايزها، أو مثلا الجزء الخامس من Fallout يشتغلوا عليها بثيسدا واوبسيدين مع بعض، فريق Obsidian من احسن الفرق في التصميم والكتابة

6- ريبوت أو لعبة جديدة روحية من The Evil Within، مما لا شك فيه أن شينجي ميكامي هو ال Godfather بتاع العاب الرعب، وسلسلة The Evil Within كانت من أحلى العاب الرعب اللي لعبتها، اتمنى ان فريق Tango Gameworks يرجع تاني للعبة دي بريبوت مثلا لو مش هينفع جزء جديد، أو حتى لعبة جديدة خالص بقيادة شينجي.

وبس كده وصلنا للاخر، دي بعض من العناوين الكثيرة والحلوة اللي ممكن ميكرو تزورها مجددا ❤️