Articles, Console News, Gaming News, News

صناعة العاب الموبايل والوحش القادم قريباً

هدردش شوية معاكم ونتكلم عن الفلوس 💸 بس على جانب آخر من صناعة الألعاب مهم جدا وبيدخل فلوس كتيرة، وهو العاب الموبايل 🤑 فكوباية الشاي كده وركز معايا

💵 استحواذ ميكرو على ABK بسهولة جدا ممكن يخليها تحتل جزء ضخم جدا من صناعة العاب الموبايل، طبعا الاستحواذ ده شامل على شركة King الشهيرة بلعبة Candy Crush، واوعى تستهون باللعبة دي لانها عملت عوائد اكتر من 7 مليار دولار! انت متخيل الرقم؟ ده اكتر من عوائد العاب AAA مجتمعة ولسة بتجيب فلوس، طبعا شركة King عندها العاب الغاز تانية زي Candy وبتجيب فلوس حلوة برده

💵 بس انا مش عايز اتكلم عن King انا عايز اتكلم عن Blizzard و Activision ازاي دول هيسيطروا على سوق الموبايل الفترة القادمة بخطوات بسيطة

💵 تعالو نبدأ اولا ب Blizzard العملاقة ونشوف العابها:

1- هي دلوقت عندها لعبة الكروت Heartstone اشهر وافضل لعبة كروت على الموبايلات اللعبة دي عملت عوائد تقارب ال 1 مليار دولار وفي زيادة

2- لعبة Diablo Immortal وما ادراك ما ديابلو، اللعبة هتكون RPG و looter و mmo ومغامرات يعني كل اللي قلبك يحبوا، هي هتنزل السنادي، وبالتأكيد هتكون مناسبة جدا للموبايل خصوصا لو اتعملت صح بسهولة هتسيطر على العاب الRPG في الموبايل

3- لعبة Warcraft Rumble وما ادراك ما Warcraft اللعبة هتكون استراتيجية تنافسية من نوع العاب Clash of Clans، هي اللعبة لسة هتنزل السنادي برده، بس هي مناسبة اوي للنوع ده، فلو اتعملت صح بسهولة هتسيطر على العاب الاستراتيجي التنافسي في الموبايل

4- تخيل لو عملوا نسخة موبايل للعبة Overwatch تخيل كده افضل ألعاب الشوتر الخدمية والتنافسية والرياضة الالكترونيه ينزل منها نسخة موبايل بكل تأكيد هتنافس كلا من PUBG و Fortnite و COD Mobile ومش بعيد تغلبهم كمان

5- تخيل لو عملوا نسخة موبايل للعبة Heroes of Storm اللعبة من نوع Moba زي كده LOL و DOTA 2 اي نعم ده النوع الوحيد في العاب التنافسية والرياضة الالكترونيه اللي بليزارد محطتش فيه بصمتها ولعبتها HOS منجحتش اوي رغم جودتها، الا تخيل معايا لو رجعوا اهتموا بيها وعملوا منها نسخة موبايل؟ تخيل بتلعب لعبة موبا فيها شخصيات من Warcraft و Overwatch وStarcraft اللعبة عندها potential قوي جدا أنها تنجح اوي

💵 ثانيا نخش بقى على المعلم الكبير Activision

1- هي عندها دلوقت الأشهر على الاطلاق Call of Duty Mobile مش محتاجين نتكلم عنها كتير اللعبة دي عملت عوائد أكثر من 1.5 مليار دولار وهي ماشية كويس وكله تمام

2- بس تخيل معايا لو عملوا نسخة موبايل من Call of Duty Warzone بصراحة في رأي وارزون وأبيكس أفضل ألعاب الباتل الرويال واكيد الكثير هيشاركني الرأي فقط تخيل لو اتعمل منها نسخة موبايل، اعتقد هتسحب البساط من تحت رجل PUBG و Fortnite

3- هما دولقت عندها Crash Bandicoot On the Run ودي لعبة تشبه كده لعبة Subway Surfers لعبة حلوة ونجحت بس محتاجة الإنتباه ليها بدعم متواصل، وممكن يدخلوا شخصيات تانية كتير زي Spyro, Banjo, Conker, Blinx وغيره

4- كتير منا يحب لعبة Blur صعب ترجع اكيد حاليا صح؟ بس مش صعب اكتفيجين ترجعها كلعبة موبايل، تشوف اسه اللي نجح العاب زي Asphalt و N4S No Limits وتحط عليها اللي حبيناه من Blur وهتطلع لعبة سباق جميلة ومع الدعم هتفضل تدخل فلوس

5- تخيل كمان لو عملوا نسخة من اللعبة المحبوبة Tony Hawk’s اللعبة دي بسهولة هتبقى لعبة رياضية ناجحة لان مفيش لعبة Skating حلوة يعتبر على الموبيلات

6- ممكن كمان بسهولة اكتفيجين تعمل نسخة موبايل من اللعبة الشهيرة Guitar Hero وبسهولة ممكن تحتل قسم العاب الموسيقى على الموبايلات

💵 وبكده زي ما شوفنا 11 لعبة من Activision و Blizzard مختلفين لكل genre ولكل category تنفع لكل الاذواق واسماء تقيلة بسهولة تنجح لأنها عندها الاسم والخبرات والفلوس، طبعا ده كله كوم وشركة King كوم تاني زي ما قولنا 😅

متنساش كمان أن ميكرو عندها Minecraft على الموبايلات، اللعبة الوحيدة في كل ما تم ذكره من العاب مش مجانية بفلوس ولكن اكتر لعبة باعت على الموبيلات، كمان في العاب بثيسدا ناجحة زي Fallout Shelter و The Elder Scrolls Legends العاب ناجحة اينعم مش بتدخل فلوس بالمليارات زي اللذكرناهم فوق بس جابت فلوس كويسة برده

وبكده اظن الصورة بقت واضحة ازاي ميكروسوفت بسهولة في طريقها أنها زي Tencent كده في السيطرة على سوق العاب الموبيلات، كمان ميكرو ممكن تدعم الالعاب دي اكتر وتوفرها على الكلاود فممكن تلعبها من اي حتة، بس وفي نهاية المقال في فلوس كتير جدا هتخش الشركة دي في السنين القليلة القادمة 😅