News, Reviews

Need For Speed: Hot Pursuit Remastered Review

Need For Speed: Hot Pursuit Remastered Review

تستثمر شركة EA في واحدة من أفضل أجزاء سلسلة Need for Speed الشهيرة، اللي من رأي أفضل جزء في السلسلة وهي لعبة Need for Speed hot pursuit وترجعلنا من اول وجديد بهيئة remaster، كتمهيد وتجهيز للعبة Need for speed القادمة.

بيرجع ستوديو Criterion Games ويشتغل على واحدة من أفضل أجزاء السلسة، والمره دي Hot pursuit Remastered مش زي اي remaster عبارة عن تعديل في الجرافيكس وخلاص لا بالعكس في إضافات كتير للجزء ده، من 6 ساعات لعب إضافية ل30 تحدي جديد تقدر تكملهم بأساليب كتير مختلفة وكمان اللعبة هينزل معاها كل الDLCs الي نزلت للعبة قبل كده وهتكون كمان متوفرة لمستخدمي الPC لاول مرة. لعبة Hot Pursuit مش شبه أي لعبة سباقات لعبتها قبل كده. بغض النظر عن كان اهتمامك بـ Hot Pursuit جي من حب Need for Speed أو لا، فمستحيل تندم على لعبك للعبة دي ابدا.

Need For Speed: Hot Pursuit Remastered Review

القصة

تدور أحداث اللعبة في مكان خيالي اسمه Seacrest County على السواحل الغربية لأمريكا. عالم اللعبة مفتوح ومساحته أكثر من 160 كم من الأماكن المختلفة المتنوعة. على عكس طبيعة سلسلة Need For Speed اللى دايما متميزة بقصة حماسية تشدك في اللعبة، Hot Pursuit مفيهاش أي سرد قصصي في Career Mode. زي ما قال قبل كده منتج اللعبة مات ويبستر: احنا منعتقدش أنه من الضروري يكون فيه قصة. لو كنت شرطي، فا هدفك هو الصعود في الرتب، وهدف المتسابق هو الوصول لأعلى ليڤل ممكن. وبدل القصة، ركز الستوديو على الgameplay واللعب الجماعي أكتر وبيئة العالم المفتوح الضخمة.

Need For Speed: Hot Pursuit Remastered Review

أسلوب اللعب

طبعا النسخة دي هي remaster زي ما كلنا عارفين، يعني الجيم بلاي هو نفسه، ولكن الستوديو عالج مشاكل كانت ناس كتير بتشتكي منها، وكان من اهمها وأشهرها الlag في ردة الفعل من اللعبة، يعني كانت الناس بتدوس على الزرار ولكن بيكون في تأخر من اللعبة في تنفيذ الامر، بس دلوقتي المشكلة دي اتحلت عشان تخليك تستمتع بالجيم بلاي الحماسي اللي معتمد على السرعة بشكل كبير. في Hot Pursuit انت ممكن تبقا شرطي او مسابق، وكل واحد ليه الCareer Mode الخاص بيه، وده طبعا بيدي تنوع في التجربة إلى حد ما واللعبة مبنية على التحديات والمهام المنتشرة في عالم اللعبة اللي مش تابعة لقصة معينة زي ما قولت قبل كده، فا انت بتتجول في عالم اللعبة المفتوح وتخش في التحديات وتخلص المهام المطلوبة. لو اخترت انك تكون متسابق، هتلاقي الشرطة في كل مكان حواليك، ويقدروا ينظموا حواجز على الطرق ويضروبك بمتفجرات ال EMP، ويقدروا يحطوا Spike strips في الطريق في محاولة توقيفك، وممكن الحوار يوصل لطائرات هليكوبتر مسلحة كمان. ولو أخترت أنك تكون شرطي، هتكون مهمتك انك توقف المتسابقين عند حدهم، اللي عندهم أسلحة ومتفجرات متطورة والspike strips الخاصة بيهم كمان، بالإضافة لأنظمة متطورة قوية وأجهزة تشويش تخلى كل أجهزتك ملهاش فايدة لفترة قليلة. والخبر الحلو في كل ده هو أنه كل ما تقدم خصومك وجابوا معدات أكثر، هيحصل نفس الموضوع معاك برده. نظام القيادة في اللعبة هو Arcade بالإضافة أنه غير واقي خالص ولكن هتحس بخفة العربيات الsport وتقل العربيات العادية الكبيرة في الحركة ومع المنحدرات القوية، واصلا الجيم بلاي في لعبة Hot Pursuit كان من أهم نقاط نجاح الجزء ده، وخلى ناس كتير تفضله على باقي أجزاء السلسة كلها.

Need For Speed: Hot Pursuit Remastered Review

اللعب الجماعي

أول ما نزلت لعبة Hot Pursuit كانت متميزه بطور اللعب الجماعي أو طور الonline، تقدر تخش مع أصحابك اللي عددهم ممكن يوصل ل8 أفراد وتلعب معاهم أو ضدهم في مودات كتير ومتنوعة، فا بتستمر لعبة Hot Pursuit remastered في التميز ده وتفعل خصية الCrossplay في اللعبة، يعني كل من لاعبين الxbox والplaystation والPC وحتى الNintendo Switch يقدروا يخشوا مع بعض في بارتي واحدة ويلعبوا مع بعض بدون أي مشاكل. ولكن اللعبة مفيهاش خاصية الsplit screen عشان تقدر تلعب مع صحابك على نفس الجهاز، ولكن ده ميقللش من متعة اللعب مع صحابك بتنظيم أدوار لكل واحد. طبعا منقدرش ننسى خاصية الAutolog الممتازة. واللي ميعرفش الخاصية دي فا هي عبارة عن موقع Facebook داخل اللعبة حرفياً، تقدر من خلاله تتابع أخر انجازات أصحابك وأخبرهم وتفاعلهم في اللعبة، وتوصلك رسالة على طول في حالة لو صاحبك عدى الHigh score بتاعك في تحدي معين، فا تقدر من خلال الرسالة دي تخش على التحدي على طول وتحاول تكسر رقم جديد، فا خاضية الAutolog بتدي مستوى تاني لشعور التحدي بين صحابك وبتدي حياة مختلفة ومميزة داخل اللعبة.

Need For Speed: Hot Pursuit Remastered Review

الرسومات

تعريف كلمة remastered بكل بساطة أنها عبارة عن تحسين في الresolution للmodels والshadows والtextures وإضافة props جديدة او اجسام عامة في اللعبة، وده بالظبط الي تحسن بشكل ملاحظ في اللعبة، الجرافيكس في اللعبة يديك شعور اللعبة القديمة وأصلا اللعبة تحس عليها زي فلتر كده مميز اوي بالفترة الي نزلت فيها اللعبة ولكن المرة دي اللعبة ظاهرة بأفضل شكل ليها، ولكن في بعض المناطق في اللعبة تحس انها لعبة من 10 عشر سنين، زي الاجسام اللي في الخلفية مثلا، اللي هي الاشجار والمباني اللي من الواضح انهم مابذلوش مجهود كبير فيهم زي ما عملوا مع العربيات والشوارع. في لعبة Hot Pursuit العالم بتاع اللعبة بيتعمله render الاول والعربيات ليهم render تاني خاص بيهم، وده بيخلي الضوء والظلال والانعكسات على العربية معتمدين على البيئة الي حواليهم، وده طبعا بيعلي الواقعية بشكل رائع. العالم المفتوح فيه مناطق فيها تنوع بشكل كبير، من جبال عالية وغابات وصحاري وطبعا الشواطئ، بالإضافة لروعة وتنوع الطقس في اللعبة.

Need For Speed: Hot Pursuit Remastered Review

الأداء التقني

طبعا من اهم ومن أكتر الأسئلة الي بتتسأل كتير لما اي لعبة Remaster بتنزل هي أيه نظام الresolution والrefresh rate في اللعبة؟ طبعا على أجهزة الPC فا اللعبة طبعا هتبقا أفضل كل ما كان جهازك أقوي، ولكن الكلام كله عن الconsoles، على كل من جهاز الPS4 وXbox one فا اللعبة هتشتغل على دقة 1080p في 30 frame في الثانية، واما على كل من الاجهزة المحسنة للجيل، الxbox one x والPS4 pro فا متوفر خاصيتين مختلفتين، أول خاصية هتخليك تشغل اللعبة بدقة 4K في 30 frame في الثانية، والخاصية التانية هتخليك تشغل اللعبة بدقة 1080p في 60 frame في الثانية، وطبعا كل ما كانت الframes عالية، كل ما كانت التجربة أفضل، خاصةً في الالعاب اللي من النوعية السريعة واللي مليانة بالأكشن والٱثارة زي اللعبة دي، ولكن طبعا القرار يرجعلك في النهاية، تختار جودة الصورة ولا سرعة الframes. ولأول مرة لعبة Need for speed hot pursuit Remastered هتتوفر على جهاز الNintendo switch في محاولة من EA لدعم المنصة دي بأي شكل من الأشكال، فا هي أول لعبة need for speed تتوفر على الswitch، ولكن طبعا الresolution هنا هيكون فيه تضحيات كبيرة، في حالة لو انت بتلعب على شاشة كبيرة وموصل الجهاز بالشاشة فا اللعبة هتشتغل بدقة 1080p في 30 frame في الثانية، اما لو انت بتلعب على شاشة الجهاز نفسه فا اللعبة هتشتغل بدقة 720p في 30 frame في الثانية، وانا شايف انها ارقام منطقية جدا.

Need For Speed: Hot Pursuit Remastered Review

في النهاية Need For Speed: Hot Pursuit Remastered بتديك فرصة الرجوع للعبة العظيمة دي بإضافات جديدة وتجميع كل الDLCs في لعبة واحدة، أو فرصة تجربتها لأول مرة بشكل أفضل بتحسين في التجربة بشكل عام. العربيات والبيئة فيهم تنوع وإبداع كبير، ميزة ال Autolog بتدي حياة وتحدي كبير جدا بين صحابك على كل المنصات. ممكن تكون السباقات في الCareer mode مكررة إلى حد ما، ولكن بشكل عام Hot Pursuit هي واحدة من أفضل ألعاب سباقات السيارات.

المميزات:

+ سباقات حماسية ومطاردات شرطة.

+ نظام الAutolog بيخلي التنافس مع اصحابك في كل المنصات مسلي اكتر.

+ تنوع العربيات الكتير في اللعبة اللي تصل ل80 عربية مختلفة.

+ إضافة 6 ساعات لعب إضافية فيها 30 تحدي جديد وAchievements و trophies جديدة.

+إضافة كل المنصات خاصة الNintendo Switch وتفعيل خصية الCrossplay.

العيوب:

– التكرار في بعض المهام.

-عدم توفير نسخة أفضل خاصة بالجيل القادم.

التقييم:-

8.0/10

author-avatar

About Hussein

محرر وكاتب، بحب جداً هواية الفيديو جيمز، هوايات كتير اتغيرت في حياتي إلا ألعاب الفيديو متغيرش شغفي ليها، بالعكس كان بيزيد مع مرور السنين .. بعشق ألعاب الاربيجي سواء الغربية زي فال اوت وويتشر وايلدر سكرولز او اليابانية زي فاينال فانتسي وبيرسونا ودراجون كويست