من اكتر المشاكل الي بتواجه مستخدمي الـ Xbox One S/X هي مشاكله الـ HDMI Retimer IC
لازم تعرف ازاي تحافظ علي جهازك خصوصا مع قطع الكهربا المستمر ..
اتبع الخطوات دي هاتقلل من امكانيه حدوث المشكله
-
اتأكد انك موصل الجهاز بالتليفزيون بالكابل الأصلي ولو مش متوفر اتأكد انك بتستخدم كابل بجوده عاليه .. بلاش كابلات الريسيفرمجهوله الهويه
-
اتأكد انك بتطفي الجهاز بشكل كامل مش بتعمله Sleep .. هاتلاقي دا في ال Power Option خليه دايما Energy Saving
-
حاول ماتنقلش الجهاز كتير مابين شاشات مختلفه وقبل ماتفصله اتأكد انه تم اطفاؤه بالكامل وبشكل صحيح
-
لو حصل مشكله لا قدر الله في مدخل ال HDMI سواء كان كسر او عطل .. او مشكله في سنون الكابل .. افصل الجهاز فورا وماتحاولش تشغله الا اما تحل المشكله سواء انك تغير الكابل او المدخل .. لو في سلك في الكابل او المدخل ملمس في سلك تاني ممكن يعمل مشكله في الدايره ويحرق ال IC وهاتبقي التكلفه اعلي من مجرد تغيير مدخل او كابل
-
لما الكهربا تقطع حاول تفصل الجهاز لحد ماترجع تاني وتستقر ابقي وصله .. ماتخليهوش واصل في الكهربا .. ودا بينطبق علي اجهزه البيت كلها
-
طول فتره اللعب مابتأثرش علي ال IC ماتقلقش من النقطه دي
-
اتأكد ان فتحاتت الجهاز مش متغطيه والجهاز معرض لتهويه جيده
لو لاقدر الله المشكله حصلت .. لازم تتأكد بعد ماتصلحه وقبل ماتوصله انك عرفت سبب المشكله وحليته لأن ممكن اول ماتوصل الجهاز المشكله ترجع تاني لو في مشكله في الكابل مثلا
احنا معاك عشان نساعدك تحافظ علي جهازك .. لو في أي استشاره او سؤال ابعتلنا واحنا هانرد عليك
متاح صيانه سواء تغيير البورت او ال IC وعليه خصم خاص طول شهر مايو .. لو جهازك فيه مشكله الحق العرض لأننا فعليا بنصلحه بأقل سعر في مصر واعلي جوده
تابعنا عشان تعرف اكتر. وابعتلنا لو حابب تستفسر عن أي حاجه.