Reviews, مراجعات

مراجعة لعبة Resident Evil 4 Remake

مراجعة لعبة Resident Evil 4 Remake

مراجعة لعبة

Resident Evil 4 Remake

ليون راجع من تاني في ريميك ريزدنت إيفل 4 !!

الريميك جامد جدًا وفيه اضافات كتير مش موجودة في الأصلية

مراجعة لعبة Resident Evil 4 Remake

إضافات في القصة وتصميم المستويات والجيمبلاي

دا غير طبعًا الجرافيك الخرافي اللي اتبنى من الصفر في الريميك

سواء لعبت الأصلية أو لا، ريميك ريزدنت ايفل 4 هيعجبك لو بتحب النوع ده من الألعاب.

مراجعة لعبة Resident Evil 4 Remake

سلسلة ريزدنت إيفل ليها مكانة خاصة في قلوب محبين الرعب والبقاء، بس لما نيجي نتكلم عن الجزء الرابع من السلسلة، فـ هنا لازم نقف شوية.

Resident Evil 4 هي لعبة محورية في تاريخ السلسلة، لأنها لما صدرت في 2005، كانت أول لعبة تغير من جو الرعب والبقاء بتاع الأجزاء التانية، وشوفنا فيها أكشن أكتر بكتير من الأجزاء اللي قبلها.

مراجعة لعبة Resident Evil 4 Remake

طبعًا الكلام دا زعّل ناس كتير وقتها، دا على الرغم إن اللعبة كانت حلوة فعلا بالنسبة لوقتها وحققت نجاحات كويسة. بس عشاق السلسلة كانوا رافضين فكرة إن لعبة ريزدنت إيفل تبقى من غير رعب كتير.

تمر السنين وتقرر Capcom تعمل ريميك للجزء الرابع، بعد النجاح الكبير لريميك الجزء التاني والتالت، بس الريميك دا بالذات مميز أكتر، لأن زي ما قولت، هو ريميك لأكتر جزء محوري في تاريخ السلسلة. فـ يا ترى الريميك أخباره إيه؟ عظمة ولا أي كلام؟

مراجعة لعبة Resident Evil 4 Remake

القصة – هي هي بس مع إضافات كتيرة!

القصة بشكل عام هي نفسها بتاعت الأصلية.. في 2004 وبعد 6 سنين من كارثة راكون سيتي، بيتكلف ليون كينيدي بمهمة صعبة، وهي إنه ينقذ بنت رئيس أمريكا، آشلي، بعد ما خفطتها مجموعة مجهولة.

ليون بيتتبع المجموعة دي لقرية معزولة عن العالم في أوروبا، وبيتم تكلفيه إنه يروح لوحده عشان ينقذ بنت الرئيس.

مراجعة لعبة Resident Evil 4 Remake

بس بيكتشف ليون إن دي مش مهمة عادية، وإن المجموعة اللي خطفت آشلي هما متطرفين مجانين، وشكلهم عامل زي الزومبي. وطبعا كلهم بيحاولوا يقتلوا ليون ويمنعوه يوصل للبنت.

بس ليه خطفوا آشلي بالذات؟ ومحتاجينها في ايه؟ وهل هيقدر ليون ينقذها وسط كل ده والعقبات الكتير اللي بتيجي قدامه؟

مراجعة لعبة Resident Evil 4 Remake

اللي لعب اللعبة الأصلية، عارف إن القصة كانت حلوة، بس مش جامدة. في الريميك بقى أقدر أقول إن القصة بقت جامدة، لأن حصل تعديلات في حاجات كتير، شخصيات اتكتبت من جديد واتضافلها مشاهد مكانتش موجودة قبل كدة، وتفاصيل تانية مش هعرف اتكلم فيها عشان الحرق.

كل اللي أقدر أقوله إن القصة في الريميك هي أفضل شيء ممكن يتعمل من Resident Evil 4.. الأصل هو نفسه ومفيش تغييرات جذرية، بس فيه شوية تحابيش كدة وتعديلات خلت القصة أحسن بكتير من اللعبة الأصلية، وخصوصًا التعديلات على الشخصيات الجانبية.

القصة 15 فصل، كل فصل بيبقى أقل من ساعة تقريبًا. اللعبة كلها خدت مني 13 ساعة على صعوبة متوسطة.

مراجعة لعبة Resident Evil 4 Remake

التمثيل الصوتي من أهم التحسينات في الريميك

من أكتر الحاجات اللي كانت مستفزة في اللعبة الأصلية هو التمثيل الصوتي، كنت تحس إن الممثلين دول قاعدين قعدة عرب وبيقروا شوية كلام مكتوب وخلاص.

كمان كان فيه نكت عجيبة وألشات مينفعش تتقال في لعبة زي دي. كل دا اتغير في الريميك.

مراجعة لعبة Resident Evil 4 Remake

الممثل الصوتي لـ ليون هو نفسه اللي مثل في ريميك الجزء التاني، وهو أحسن بكتير من الممثل اللي كان موجود في اللعبة الأصلية أكيد.

نفس الكلام حصل مع آشلي اللي كانت مزعجة جدا وبتصوت طول الوقت في اللعبة الأصلية. الممثلة بتاعتها اتغيرت بردو والشخصية بقت منطقية أكتر ومش مزعجة أوي زي ما كانت في الأصلية.

مراجعة لعبة Resident Evil 4 Remake

تحسينات كتير في الجيمبلاي والفيزيائيات

من أكتر الحاجات اللي معلقة مع اللي لعب الأصلية، هو الجيمبلاي، وخصوصًا الشوتنج والأسلحة.

وده لأن استخدام الأسلحة كان لازم تفضل واقف مكانك عشان تعرف تضرب وتحرك الإيم، ود بسبب الإمكانيات وقتها في 2005 طبعًا.

في الريميك بقى الكلام دا اتلغى، الشوتنج بقى زيه زي الألعاب الحديثة، ويمكن كمان هو من الأفضل بينهم! لأن فعلًا الجيمبلاي ممتع جدًا.

مراجعة لعبة Resident Evil 4 Remake

من أهم الجوانب في الجيمبلاي هنا هي معارك الزعماء أو Boss Fights. مش هبالغ لما أقول إن معارك الزعماء هنا من الأفضل في الألعاب، تصميم المعارك حلو جدًا وبيحطك في ضغط كبير، وفيه تعديلات عن اللعبة الأصلية، كمان التصميم البصري للزعماء احسن كتير، خصوصًا تصميم شخصية Ramon Slazar اللي كانت مضحكة شوية في اللعبة الأصلية.

إضافة كمان هي إنك تقدر تصد ضربات الأعداء بالسكينة، سواء حاجات بيحدفوها عليك، أو ضربات في المواجهات القريبة. السكينة بردو بقت ممكن تتكسر وليها قدرة تحمل معينة، ولو اتكسرت مش هتقدر تصد الضربات وهتضطر تاخد دامدج أعلى لحد ما تروح للتاجر وتصلحها.

مراجعة لعبة Resident Evil 4 Remake

الأسلحة ونظام العتاد والتطوير

زي اللعبة الأصلية، الريميك فيه أسلحة كتير، في البداية بيكونوا مسدس وشوتجن بس، وبعدها بتتفتح لك أسلحة تانية بالتدريج كل ما تتقدم في القصة.

مراجعة لعبة Resident Evil 4 Remake

التاجر اللي بتشتري منه تقدر تبيع عنده من أسلحتك أو من الأحجار الكريمة اللي بتلاقيها، ومتقلقش، تقدر تبيع السلاح وتاخد الفلوس اللي اشتريتها بيه مع الفلوس اللي صرفتها في تطويره. طبعا دا بيخلي فيه مرونة أكبر في التعامل مع الأسلحة وشرائها.

مراجعة لعبة Resident Evil 4 Remake

كمان زي اللعبة الأصلية وريميك الجزء التاني والتالت، فيه قايمة للكرافت والمخزون، فـ تقدر تصنع أعشاب الهيلث والذخيرة وكل حاجة من القايمة في ثواني بسلاسة وسهولة.

بس هنا النظام بقى أسهل من الريميك طبعًا والواجهة اتحسنت كتير عن الأول.

مراجعة لعبة Resident Evil 4 Remake

تصميم المراحل مش خطي أوي.. ومش عالم مفتوح

تصميم المراحل هنا هو المعتاد في ألعاب Resident Evil، من نوع Metroidvania، يعني المراحل خطية أه بس تقدر تروح وترجع فيها في أي وقت، وكمان مناطق الخريطة بتكون متصلة ببعض بشكل مش خطي، وبتحتاج تتخطى عقبات زي فتح أقفال أو إنك تلف من جنب منطقة مسدودة عشان تكمل.

النظام دا معمول كويس أوي هنا، وهيخليك فعلا عايز تستكشف وترجع تزور مناطق معينة تاني، سواء عشان تخلص تحديات معينة أو لو عايز تستكشف حاجة فاتتك.

مراجعة لعبة Resident Evil 4 Remake

كمان المناطق الجانبية هتلاقي فيها لوت زيادة وهتلاقي كتب ومخطوطات بتعرفك أكتر عن عالم اللعبة، يعني فيه أسئلة كتير عن العالم وشخصياته مش هتلاقي عنها إجابات إلا من خلال الكتب اللي هتلاقيها دي.

كمان فيه مراحل تقدر تقول اتعاد تصميمها من جديد عن اللعبة الأصلية وبقت أحسن كتير. مش هقدر أتكلم عنها بالتفصيل عشان الحرق بردو، بس كفاية أقول إن الخطوة دي فرقت كتير في التجربة وخلت اللعبة أفضل كتير.

مراجعة لعبة Resident Evil 4 Remake

الأداء التقني ممتاز

يمكن أكبر مفاجأة بالنسبالي في الريميك كانت الأداء التقني.

على البي سي اللعبة شغالة كويس جدًا على الأجهزة المتوسطة، يعني على GTX 1650 TI و Core I7-10700H و 16 جيجا رام اللعبة بتوصل 60 فريم على إعدادات High.

وعلى RTX 2070 و Core i3-12100F و 16 جيجا رام اللعبة بتوصل بين 80 لـ 100 فريم، وإعدادات الجرافيك بين High و Ultra مع تفعيل تتبع الآشعة.

مراجعة لعبة Resident Evil 4 Remake

دي أرقام كويسة جدا بالنسبة للعبة الجرافيك بتاعها ممتاز زي دي في 2023. المشكلة الوحيدة إن ساعات بتيجي رسالة Fatal Error واللعبة بتعمل كراش على ستيم، وناس كتير بتقول إن ده بسبب تتبع الآشعة، وبمجرد ما تقفلها، المشكلة بتختفي.

وعلى البلايسيتشن طبعًا مفيش كلام يتقال على الأداء، حتى على البلايستيشن 4 اللي هو جيل قديم، اللعبة شغالة تمام من غير مشاكل.

مراجعة لعبة Resident Evil 4 Remake

الخلاصة من الآخر

ريميك Resident Evil 4 هو تحفة جديدة من تحف Capcom، الشركة بتدي درس جديد في ازاي تعمل ريميك محترم للعبة كلاسيكية، من غير ما تمسح هوية اللعبة، وفي نفس الوقت تضيف عليها وتخليها أحسن وأحسن، فالريميك مش مجرد جرافيك وخلاص.

مراجعة لعبة Resident Evil 4 Remake

الريميك خد كل حاجة حلوة في الأصلية وضاف عليها وعدل فيها، عشان تطلعلنا أفضل صورة ممكنة من Resident Evil 4، وبصراحة الريميك دا هو من أفضل الألعاب اللي لعبتها في السنين الأخيرة بشكل عام، ومش هتفاجأ لما ألاقيه مرشح لجايزة واحدة على الأقل في Game Awards السنة دي.

التقييم النهائي

10\10

مراجعة لعبة Resident Evil 4 Remake

مراجعة لعبة Resident Evil 4 Remake