News, Console News, الأخبار

منافس جديد لجهاز Steam Deck مع دعم مميز لخدمة Xbox gamepass

منافس جديد لجهاز Steam Deck مع دعم مميز لخدمة Xbox gamepass

بعد إعلان تأجيل جهاز Steam Deck، أعلنت شركة Qualcomm المتخصصة في تصنيع معالجات الأجهزة المحمولة عن جهاز جديد بالتعاون مع شركة Razer لمنافسة الـ Steam Deck تحت مسمى Snapdragon G3x. فهل يعتبر منافس قوي فعلا؟ ده اللي هنعرفه من المقالة.

مواصفات الجهاز المبدئية

منافس جديد لجهاز Steam Deck مع دعم مميز لخدمة Xbox gamepass

من خلال التسريبات عرفنا إن الجهاز هيجي بشاشة 6.65 انش من نوع OLED يدعم تقنية الـ HDR، واللي تعتبر أصغر من الـ Steam Deck واللي بتيجي بحجم 6.7 انش، ولكن في نفس الوقت جودها احسن من الشاشة الـ IPS اللي موجودة في الـ Steam Deck، وتعتبر أحسن من شاشة الـ Nintendo Switch العادية و حتى النسخة الـ OLED وده لإنها بتدعم لحد 120HZ بينما الـ Steam Deck والـ Nintendo Switch بيجوا بشاشات بتدعم لحد 60HZ بس.

وهيجي الجهاز بمعالج جديد يقدر يشغل الألعاب لحد 144FPS، في المقابل فالـ Steam Deck مخصص لإنه يشغل الألعاب على 30FPS ل 60FPS على إعدادات متوسطة وجودة 720p و Nintendo Switch اغلب العابه بتشتغل على 30FPS وإعدادات ضعيفة وجودة عرض بين 360p الى 720p و 1080p مع الألعاب الخفيفة.

بالإضافة لأنه بيجي  بكاميرا و مايكين مخصصين للإستريمرز وده اللي يخليه الجهاز المثالى للإستريمرز. بالإضافة لدعمه شريحة WI-FI 6E مع دعم خطوط اتصال الجيل الخامس 5G، على عكس Steam Deck و Nintendo Switch واللي بيجوا بشريحة WI-FI بس بدون دعم لخطوط الاتصال. وده الى يخليه افضل جهاز محمول يصلح استخدامه مع خدمة Xbox Xcloud و خدمة Xbox GamePass 

نظام التشغيل والألعاب التي يدعمها الجهاز

منافس جديد لجهاز Steam Deck مع دعم مميز لخدمة Xbox gamepass

ومن المفترض أن الجهاز هيجي بنظام تشغيل أندرويد بما إنه جهاز من شركة Qualcomm، واللي ممكن يعتقد البعض إنه هيضر من إمكانيات الجهاز بسبب عدم وجود سوق للألعاب الـ AAA زي ألعاب منصة Steam أو Nintendo،

لكن لو بصينا على سوق الألعاب دلوقتي نلاحظ إن الفروقات بين الـ PC والموبايل بتقل كل يوم عن اللي قبله وبدأنا نشوف ألعاب زي Fortnite و Genshin Impact بينزلوا للـ PC والموبايل في نفس الوقت مع دعم للـ Cross-play حتي ومع نزول قريب لألعاب زي Apex Legends وحتى ألعاب مخصوصة معموله من سلاسل مشهورة زي league of legends wild rift و Minecraft،

كمان سوق العاب الموبايل بقي في ألعاب مميزة زي Call of Duty Mobile و PUBG، واللي سواء تتفق أو تختلف عليهم كونهم ألعاب كويسة أو لأ محدش يقدر ينكر مدى شعبيتها الواسعة واللي أصبحت تسيطر على أغلب سوق الألعاب في الوقت الحالى. بالإضافة إن Qualcomm عارفين برضوا أهمية العاب الـ AAA وهيبدأو يوفروا عدة التطوير لمجموعة من المطورين المختارين علشان يقدروا يوفروا محتوى يقدر يستغل قدرات الجهاز في إنتاج ألعاب حصرية للجهاز مع إطلاقه.

هل ممكن ينافس الـ Steam Deck؟

منافس جديد لجهاز Steam Deck مع دعم مميز لخدمة Xbox gamepass

على الورق أه يكمن ينافسه بل ويتفوق عليه في بعض النقاط كمان، لكن مازال الـ Steam Deck يملك الأفضلية من ناحية دعمه لأغلب مكتبة ألعاب Steam الضخمة والتي مفيش أي منصة تقارن بيها. و لو انتقلنا لنقطة المحاكيات نلاحظ تقارب كبير جداً بينهم من ناحية الأداء و الأجهزة اللي يقدر يشغلها،

فكلا الجهازين مدعومين من RetroArch و  يقدروا يشغلوا من أول الجيل الأول من الكونسول زي الـ NES وال Master System ولحد الـ Wii و GameCube بشكل شبه مثالى، بالإضافه إنه مؤخراً بقي في محاكى يقدر يشغل ألعاب الـ Nintendo Switch على الأندرويد، ولكن مازال التفوق لصالح الـ Steam Deck بدعمه للأجهزه التقليه زي الـ PS3 والـ Xbox 360، لكن بشكل عام الفرق بينهم مش كبير.

الخاتمة

منافس جديد لجهاز Steam Deck مع دعم مميز لخدمة Xbox gamepass

جهاز Snapdragon G3x يعتبر التطور الطبيعي للـ Mobile Gaming، وبالرغم من إختلاف طبيعته عن الـ Steam Deck أو الـ Nintendo Switch إلا أنه يستهدف أكبر شريحه ممكنة من اللاعبين ولو الجهاز نزل بسعر منافس لسعر الـ Steam Deck و الـ Nintendo Switch ممكن يسبب خطر حقيقي عليهم.