News, الأخبار

براءة اختراع جديده من الممكن انها تغير مصير الSteam Deck

مؤخرا نشرت Valve براءة اختراع جديدة من الممكن ان تكون جزء من الـ Steam controller الجديد والي فيه ميزه غريبه وفي نفس الوقت ممكن تكون القفزة الجديدة في عالم ال Controllers.

مع اقتراب صدور الSteam Deck بدأت Valve بنشر مجموعة من براءات الاختراع واللي من الممكن تكون جزء جديد من اكسسوارات الجهاز.
ومنها تصميم جديد للي من المحتمل يكون الجيل الجديد من الـ Steam Controller في محاولة من Valve للنهج على خطى Nintendo لما اصدر ال Pro controller.

براءة الاختراع ده -اللي اتنشرت يوم 9 سبتمبر – بتوضح تصميم مقارب نوعا ما  الـ Xbox Controller, ولكن مع تبديل مكان الD-pad و الانالوج الشمال و دمج الD-pad علي سطح Trackpad, وتبديل مكان أزرار ال AXYB مع الانالوج اليمين ولكن وضعه اعلي touchpad, بالإضافة إلى رفع سطح الأزرار بشكل مايل شويه عن بقية ال Controller ودعمه gyroscope زي الـ DualShock 4 و Switch pro controller.

مميزات الكنترولر الجديد

كل ده طبيعي وكانت Valve استعملت تصميم مشابه مع الجيل الأول من الـ Steam Controller, ولكن الجديد هو أنه يدعم ميزة تتبع الحركة على سطح ال Controller نفسه, تحديدا تتبع حركة ضغط الأصابع على الـ Controller, والي بدورها تفتح إمكانيات لا حصر لها من الممكن تطبيقها في الالعاب. علي سبيل المثال, ممكن من خلال مسكة معينة لل Controller تقدر اللعبة تغيير إعدادات الازرار في اللعبة او حتى على حسب كل genre معينة.

ومع أن بالفعل شفنا تطبيع للنوع ده من ال Controller في حاجات زي الكنترول القادم لل PSVR2, ولكن إلى Valve عملته فيه تفاصيل وعمق أكثر من مجرد الاحساس باللاعب لما يمسك الController,و هيكون ليه مميزات أكثر.

استخدامات للميزه الجديدة

 

مثلا بالضغط المطول علي جسم الكنترول نفسه يؤدي الي وظائف معينة جوه اللعبه, او انك تشيل صباع او تمسكه بترتيب صوابع معين هيعمل حركه معينه جوه اللعبه. وكمان هيكون ليه دور كبير بين اصحاب الاعاقة لانه دلوقتي مش ملزم انه يمسك ال Controller بطريقه معينه علشان يستخدمه لان دلوقتي  ممكن باي طريقه تريحه في الاستخدام. و ده اللي هيفتح للمطورين استخدامات لا حصر لها في الController الجديد لانه مش بس دلوقتي انت محكم بترتيب زراير معينه لا انت معاك جسم ال Controller كله عبارة عن وسيلة لتسجيل الinput من اللاعب.

الخلاصه

وعلى الرغم من ان الجيل الاول من الـ Steam Controller محققش نجاح كبير, الا انه كان يعتبر خطوة في الاتجاه الصحيح. حيث انه بسببه شفنا ان الSteam Deck هيجي باثنين Touchpad لمحاكاة حركة الماوس وكمان بسبب تصميمه العجيب فبإمكان Valve انها تحط مميزات مجنونه زي تتبع حركة الأصابع والي من الممكن حتى لو ال Steam Controller 2 منزلش اننا نشوفها في تطبيقات من كنترول الطرف التالت وحتى تكون موجودة بشكل أساسي في الجيل الجديد من الـ Steam Deck