Articles, Console News, News

خليفه الSteam Deck هيدعم ال4K بشكل اساسي

واضح ان الضجه الكبيره الي احدثها الSteam Deck من وقت الإعلان عنه لحد النهاردة لدي انطباع كافي Valve ان الجهاز هيقدر ينجح ويكون ليه مكانه في السوق وده اللي مخليهم بدأوا بالفعل في التفكير في الجيل الثاني من الجهاز.

مقابلة مع اثنين من مصممي الجهاز

 

ففي مقابلة مع صحيفة  Rock Paper Shotgun مع اثنين من المصممين في شركة Valve وهما Greg Coomer و Lawrence Yang, كانوا اتكلموا عن مستقبل الجهاز وانهم بالفعل بدأوا التفكير في الخليفة المناسب للجهاز و انهم قدروا يوصلوا للنقطه المثالية في الجهاز الحالي من دقة الشاشة والأداء, وده اللي مخليهم يبدأو التجهيز خططهم الجيل التاني من الجهاز:

احنا بالفعل بدأنا التخطيط للمستقبل لاننا على يقين أن سلسلة الDeck هتحطي بعمر طويل, فعلشان كده احنا بدأنا التفكير عن ما هي القدرات اللي هنحطها في الجيل الثاني من الجهاز

وعقب Greg Commer. انهم ما زالوا في مرحلة التخطيط المبدئية وأنه لسه مفيش اي تصميم او رؤية واضحة عن الSteam Deck 2. واكدوا ان الوصول لل4K و تصميم جهاز حول نفس الفكرة مكنش من الأولويات في الSteam Deck, وان Valve سعيده بالانجاز الي وصلوله.

 

امكانية دعم ال4K وصعوبات الجيل الثاني

ومن الناحية التقنية فمن الممكن إنتاج جهاز قادر علي تشغيل العاب ال4K و -كنا كتبنا بالفعل مقالة توضح هل من الممكن تشغيل العاب 4k على الSteam Deck– ولكن تظل هناك الكثير من المصاعب زي التسغير واداء الالعاب و كمان أداء تبريد الجهاز هيكون عامل ازاي.

وكمان كشفوا أن ال Valve كانت بالفعل تخطط Steam Deck من بدايات 2010, ولكن حينها كانت قابلتهم نفس التحديات اللي بتقابلهم دلوقتي مع التفكير في دعم العاب ال4K على الSteam Deck 2.

احنا ممكن نستنتج أن خليفه ال Steam Deck مش هنزل في اقل من 5 سنين قدام, لما يوصلوا  لطريقة تخليهم يعرفوا يوصلوا لأداء مناسب مع ال4K مع الحفاظ على اداء بطارية مرضي و تبريد يقدر يستحمل الحمل الثقيل.