Articles, مقالات

مقارنه بين الsteam deck و الnintendo switch

دلوقتي كلنا شفنا مواصفات الsteam deck والي اعلن عنه بشكل رسمي في شهر يوليو الي فات والي كانت نوعا ما عاليه مقارنه بسعر الرسمي للجهاز, ولكن كان في دايما التسأول الي بتفرض
مع كل جهاز موجه للالعاب بينزل وهو هل هيقدر يدينا اداء مقارب لنفس اداء الكونسولز الي في نفس السعر اهم مقارنه ممكن تعمل للsteam deck هتكون مع الnintendo switch خاصة بعد اعلان النسخه الoled من الswitch والي سعرها مقارب لسعر النسخه الصغيره من الsteam deck.

علشان كده هنعمل مقارنه مفصله بين الجهازين:

الحجم

اولا بالنسبه لحجم الجهازين فاحنا بنتكلم في حدود 7% فرق في الابعاد بين الsteam deck و الswitch العادي والي ممكن يكون ميزه او عيب اعتمادا علي حجم اليد لكن في الحالتين فالsteam deck  -وعلي حسب كلام valve- فهو مصمم بحيث متحسش بالفرق في الوزن او البعد وده الي اكده الناس الي جربوه في خلال الdemo الي اتعمل من حوالي اسبوعين  

الشاشه

الswitch بيجي بشاشه بلاستيكيه بدقه 720p تعتبر نوعا ما رديئه بسبب خاماتها الضعيفه و دقتها القليله, ولكن مع نزول النسخه ال oled فالشاشه هتتغير لشاشه من نوع oled والي يعتبر انضف و احسن في عرض المحتوي لكن مع زياده 50دولار في السعر في مقابل الsteam deck والي بيجي بشاشه 800p والنسخه العاليه بتيجي بشاشه مضاده للتوهجات والي برضوا تعتبر ذات جوده منخفضه ولكن علي حجم الجهازين فهي مناسبه وكمان جوده الشاشه انضف من الswitch من حيث خامات التصنيع فهي بتيجي من نوع IPS بسطح زجاجي والي بيديها منظر اريح للعين عن السويتش العادي. في كلتا الجهازين فالشاشه متعتبرش نقطه خلاف كبيره وتعتبر مناسبه  

طرق التحكم

 

ننتندو متبعه نظام تحكم يعتبر هجين ما بين ال xbox layout وتجربه تحكم بالحركه ماشبه للwii وده الي مخلي في افكار تحكم كبيره بدأ المطورين انهم يبتكروها في العابهم بفضل الحريه الكبيره في التحكم الي ننتندو سامحه بيها. وفي نفس الوقت تصميم الsteam deck جاي بطريقه يحاول يحاكي بيها كل طرق التحكم الممكنه; فمع وجود الxbox layout الطبيعي زي الswitch في برضوا اتنين touchpads علي جانبي الشاشه والي موجودين علشان يحاكي حركه الماوس في العاب ال RTS والي مستحيل يتم لعبها بستايل الكنترولر العادي

تجربه الالعاب

 

علي الورق فبكل وضوح الsteam deck يعتبر متفوق بفرق كبير علي الswitch من ناحيه كل حاجه تقريبا ولكن الارقام مش دايما كل حاجه: فعلي الرغم من التفوق الكبير علي الورق فننتندو عمرها ما كانت بتلعب في نقطه الاداء وانما تركيزها الاكبر علي تجربه حصرياتها وده الي مفيش شركه قدرت تنافسها فيه لحد دلوقتي, ولكن برضوا علي الرغم من كده الا ان ننتندو حاليا مفتقده جزء كبير من مكتبتها فالسويتش لسه مفهوش virtual console محترم زي الاجيال الي فاتت و لسه مفتقد اغلب الالعاب العظيمه من مكتبه ننتندو القديمه والي الsteam deck بكل وضوح قادر انه يعوض النقطه ده باستخدام الemulators والي هيديله افضليه كبيره عن الswitch, وافتكر دايما ان ما بين الswitch وال steam deck جهاز واحد بس الي هيشغل  the legend of zelda ocarina of time

الاداء

 

حاليا تجربه الالعاب علي الswitch وعلي الرغم من الي قلناه فوق من تجربه حصريات ننتندو الممتازه, لكن علي الجانب الاخر فتجربه العاب الطرف التالت تعتبر الاسوء من كل حاجه تقريبا جرافيك اسوء, اداء غالبا مش بيحيب ال30fps, ده غير الresloution والي كانت بتنزل في العاب كتير ل360p وده جوده اسوء حتي من جوده الالعاب علي الxbox الاول والps2.  علي الجانب الاخر فالsteam deck بيوعد بتجربه العاب افضل علي اداء احسن بما انه يملك القوه الكافيه وكمان لانه مبني علي معماريه احدث بكتير من الswitch, فvalve بتوعد بتجربه العاب ثابته علي الدقه الاساسيه للجهاز -والي هي 800p- بمعدل اطارات 30FPS في الhandheld mode. وبما ان الsteam deck ما هو الا pc علي هيئه جهاز محمول فده بيديله صلاحيه للوصول لكافه العاب ستيم من نفس حسابك الاساسي فمعني كده انك هتكون بتلعب علي جهازك ولما تخلص لعب وتكمل علي الsteam deck هتلاقي نفس العابك بنفس التقدم بتاعك زي ما هو وانت هتكمل مباشره كأنك بتلعب علي جهازك طبيعي 

 الخلاصه

علي الورق فالsteam deck بيقدم قيمه كبيره مقابل سعره مقارنه مع الswitch ولكن لسه كل ده يعتبر كلام علي الورق ولما يتوفر الجهاز معانا بشكل رسمي هنقدر نعمل مراجعه مفصله ليه ونقارنه مقارنه اكثر تفصيلا مع اقارنه من الشركات المنافسه