Articles, Reviews, عن الألعاب, مراجعات, مقالات

مراجعة لعبة Wo Long: Fallen Dynasty

مراجعة لعبة Wo Long: Fallen Dynasty

مراجعة

Wo Long: Fallen Dynasty

هي دي بقى سيكيرو الغلابة!!

لعبة Wo Long: Fallen Dynasty هي أقرب حاجة للعبة سيكيرو من ألعاب السولز، بس اللعبة أسهل بكتير من سيكيرو!

مراجعة لعبة Wo Long: Fallen Dynasty

Wo Long: Fallen Dynasty هي لعبة أكشن RPG من نوع سولز لايك، يعني شبه إيلدن رينج ودارك سولز والناس دي، بس هي أقرب أوي لـ سيكيرو. وهنعرف ليه سيكيرو بالذات في باقي المراجعة.

مراجعة لعبة Wo Long: Fallen Dynasty

اللعبة من تطوير استوديو Team Ninja، هو نفسه الاستوديو المطور لسلسلة Nioh المعروفة، ودا كان مخليني متحمس للعبة دي بشكل شخصي، لأن الاستوديو عنده خبرة في التعامل مع ألعاب الـ RPG.

مراجعة لعبة Wo Long: Fallen Dynasty

القصة والسرد

أحداث اللعبة بتدور في الصين القديمة، بالتحديد سنة 184 ميلادي، قبل بداية فترة معروفة في التاريخ الصيني اسمها فترة حكم الـ 3 ممالك.

أحداث اللعبة بتحصل وقت حرب كبيرة حصلت في العصر ده، وهي حرب بدأت بسبب تمرد جماعة من الشعب، اسمهم جماعة العمامة الصفراء، اتمردوا على نظام الحكم.

مراجعة لعبة Wo Long: Fallen Dynasty

أنت بتلعب بجندي مرتزقة مهمته يدافع عن البلد وعن نفسه قدام التمرد ده، بس فيه مشكلة كمان، إن فيه مشروب سحري انتشر اسمه Elixir، وده بيحول اللي يشربه وبيديله قدرات خارقة، وكمان ممكن يحول الأموات لـ زومبي.

مراجعة لعبة Wo Long: Fallen Dynasty

القصة هنا بتمزج بين الدقة التاريخية للأحداث مع الخيال والسحر، فهتلاقي شخصيات حقيقية من العصر ده موجودين في اللعبة، مع تعديلات بسيطة وقوى خارقة.

بشكل عام القصة مش أحسن حاجة، عادية جدًا وفيها مط مش طبيعي. أنا فاهم إن القصة في الألعاب اللي زي دي مش بتبقى أهم حاجة، لكن القصة في Wo Long كان ممكن تبقى أحسن بكتير.

مراجعة لعبة Wo Long: Fallen Dynasty

كمان السرد هنا منعدم تقريبًا، يعني مفيش أدوات سرد متنوعة، زي إنك تتكلم مع ناس وتعرف منهم معلومات أو تلاقي مخطوطات مثلا تتعرف منها عن العالم، لا، حتى المشاهد السينمائية قليلة، وتقريبًا هو مشهد واحد في كل مرحلة.

مراجعة لعبة Wo Long: Fallen Dynasty

الجيمبلاي ممتع.. انتباه لعشاق سيكيرو!

أول حاجة هتاخد بالك منها لما تبص على جيمبلاي Wo Long هي إن الجيمبلاي متشابه جدًا مع سيكيرو، يعني بيعتمد على الـ Parry وإنك تصد في اللحظة المناسبة وإلا هتزعل جامد!

مراجعة لعبة Wo Long: Fallen Dynasty

نظام الصد هنا متسامح شوية أكتر من سيكيرو، فـ مثلًا في سيكيرو لو دوست على زرار الصد كذا مرة ورا بعض، مش هتعرف تصد في اللحظة المناسبة، لكن هنا تقدر تعمل كدة.

مراجعة لعبة Wo Long: Fallen Dynasty

مع الضربات الخفيفة والقوية، تقدر تستخدم السحر. قوة السحر هنا بتفتحها لما تعلي اللفل بتاعك وتطور الشخصية، وكمان تقدر تطور السحر وتزود الدامدج بتاعه.

مراجعة لعبة Wo Long: Fallen Dynasty

كمان فيه ضربات الفنون القتالية واللي بتعمل دامدج أعلى من الضربات العادية والقوية، وكمان شكلها أجمد واستخدامها حلو جدًا. زيها زي السحر بتفتحها لما تطور الشخصية واللفل بتاعك يعلى.

مراجعة لعبة Wo Long: Fallen Dynasty

بشكل عام الجيمبلاي ممتع وهو أحسن حاجة في اللعبة. محستش إني زهقان طول ما انا بلعب بسبب إن الجيمبلاي جامد، وكمان فيه تنوع، فـ عندك الهجمات العادية والقوية، وهجمات السحر، وهجمات الفنون القتالية.

وكمان إحساس الصد Parry هنا حلو جدًا وهيخليك تدمن الموضوع، وبتحس إنك عملت إنجاز فعلا في كل مرة بتصد فيها.

مراجعة لعبة Wo Long: Fallen Dynasty

نظام لفلات معتاد مع إضافة بسيطة

Wo Long بتقدم نظام لفلات كلاسيكي معتمد على تطوير الشخصية والقدرات، لكن فيه نظام لفلات جانبي هنا، وده اللي هو لفل المعركة أو Combat Level.

مراجعة لعبة Wo Long: Fallen Dynasty

هو ببساطة إن بيبقى ليك لفل للمعارك بيحدد قوتك ودفاعك ضد الأعداء، واللفل ده متغير يعني مش ثابت، وبيعتمد على أداءك ف المعركة، بمعنى إن كل ما تضرب أكتر اللفل هيزيد، وكل ما تتضرب أكتر اللفل هيقل، وبالتالي قوتك هتقل.

اللفل دا بيبقى في النص اللي تحت من الشاشة، فوق مستوى الهيلث.

مراجعة لعبة Wo Long: Fallen Dynasty

اللفل بيفضل يزيد طول ما أنت بتلعب وبتكسب الأعداء ، لكن بمجرد ما تموت، اللفل بيرجع لآخر مرة أنت كنت مسيڤ عندها. يعني لو كنت مسيڤ عند لفل ١٠ مثلا ومت وأنت لفل ١٥، هترجع لفل ١٠ تاني.

مراجعة لعبة Wo Long: Fallen Dynasty

نظام التقدم هنا بقى زي أغلب ألعاب السولز التانية، وهو إنك وأنت ماشي بتلاقي علم كدة، وبمجرد ما ترفعه تبقى أنت كدة حفظت التقدم لحد الحتة دي. هناك تقدر تلڤل الشخصية وتشتري قدرات السحر وغيرها ، وكمان بتشحن عناصر الهيلث اللي معاك.

مراجعة لعبة Wo Long: Fallen Dynasty

تصميم المراحل متذبذب

على الرغم من إن المراحل خطية ومفيهاش تعقيد كتير، إلا إن فيه “فزلكة” في تصميم بعض المراحل، وكأن المطورين كانوا عايزين يعملوها مراحل مش خطية أوي بس مترددين.

في أحيان كتيرة لقيت نفسي بلف حوالين نفسي ومش عارف الطريق منين، على الرغم إن زي ما قلتلك المرحلة خطية وكل حاجة متصلة ببعض من غير مشاكل!

مراجعة لعبة Wo Long: Fallen Dynasty

بس “الفزلكة” دي خلت كذا مرحلة يبقوا كأنهم متاهة وهما أصلا حجمهم صغير، واللي ساعد أكتر على ده هو تشابه الأصول المستخدمة في أماكن مختلفة من المرحلة الواحدة، فـ مثلا هتلاقي بيت متكرر بنفس تفاصيله بنفس كل حاجة، وكذلك الشوارع وتفاصيلها، وهكذا.

مراجعة لعبة Wo Long: Fallen Dynasty

الناحية التانية بقى كان فيه تنوع حلو بين المرحلة والتانية، فـ فيه مراحل ممطرة كئيبة ومراحل مظلمة، ومراحل تانية صحراوية ومضيئة أو دموية، وده بيخليك تستعيد طاقتك بين المرحلة والتانية وتستعد انك تكمل.

مراجعة لعبة Wo Long: Fallen Dynasty

أداء تقني كان ممكن يكون أحسن

Wo Long بصراحة طالبة إمكانيات أعلى من اللي المفروض لعبة بالجرافيك دا تطلبه، يعني أه الجرافيك كويس مش وحش، بس بردو فيه أحسن منه كتير -زي Dead Space مثلا وأداءها كان أحسن كتير-، وضيف على كدة إنها طالبة إمكانيات عالية ومش شغالة كويس على الأجهزة المتوسطة.

فيه أوقات الفريمات بتقع على البي سي في المعارك السريعة القوية.

مراجعة لعبة Wo Long: Fallen Dynasty

على البلايستيشن ، Wo Long فيها وضعين: وضع الجودة، ووضع الأداء.

وضع الجودة بيستهدف 60 فريم 4k، ووضع الأداء بيستهدف 60 فريم بردو بس الدقة 4k dynamic.

مراجعة لعبة Wo Long: Fallen Dynasty

من الآخر

Wo Long بتقدم تجربة ممتعة طول ما أنت بتحارب ومندمج في الكومبات، خصوصاً معارك الزعماء Boss Fights، أقدر أقول إنها ممتازة. لكنها بتفصلك تماماً بالقصة الضعيفة والسرد اللي مش موجود تقريباً، دا غير تصميم المراحل اللي مش ماسك نفسه.

مراجعة لعبة Wo Long: Fallen Dynasty

كمان تحس إنها متأثرة بأزمة الهوية، فاللعبة واخده كتير جدا من سيكيرو، وعلى اد ما سيكيرو لعبة عظيمة، إلا إني كنت مستني ألعب Wo Long بهويتها الخاصة وتجربة مختلفة.

بس يمكن اللي بيعوض دا شوية هو شوية تحابيش خاصة بـ Wo Long، زي نظام لفل المعركة، والحقبة الزمنية نفسها بتاعت اللعبة، وغيرها من التفاصيل الصغيرة اللي هتحس بيها وانت بتلعب.

التقييم النهائي

8/10

مراجعة لعبة Wo Long: Fallen Dynastyمراجعة لعبة Wo Long: Fallen Dynastyمراجعة لعبة Wo Long: Fallen Dynastyمراجعة لعبة Wo Long: Fallen Dynastyمراجعة لعبة Wo Long: Fallen Dynastyمراجعة لعبة Wo Long: Fallen Dynasty