الأخبار, عن الألعاب

ألعاب غير مُعلن عنها هيتم إستعراضها لأول مرة في حدث Inside Xbox

المُسرب الشهير Shinobi أكد على Reset Era إن شركة  ميكروسوفت هتعلن عن مجموعة من الألعاب الجديدة خلال بث Inside Xbox. طبعاً زي ماحنا عارفين فا شركة ميكروسوفت بتجهز حالياً لبث Inside Xbox يوم الخميس الجاي لإستعراض الألعاب على Xbox Series X.

احنا كنا عارفين فعلاً إننا هنشوف مجموعة من الألعاب الي تم الإعلان عنها سابقاً زي Assassin’s Creed Valhalla وغيرها من الألعاب التانية ولكن المُسرب Shinobi بيأكد إننا هنشوف ألعاب غير مُعلن عنها سابقاً هتظهر لأول مرة خلال البث ده.

ده معناه إننا هنشوف مجموعة ضخمة جداً من الألعاب شغالة على منصة Xbox Series X وشخصياً نفسي اشوف أول عرض رسمي للعبة The Outlast Trials ومجموعة تانية من الألعاب القوية، البث هيكون يوم الخميس الي جاي 7 مايو الساعة 5 بتوقيت مصر على تويتش ويوتيوب وميكسر وغيرهم من المواقع.

ميكروسوفت حالياً بتجهز لبث تاني خلال شهر يونيو هيستعرض مجموعة قوية من الألعاب الحصرية على منصة Xbox Series X وهنعرف فيه ميعاد إصدار الجهاز بالإضافة للسعر النهائي.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.