News, الأخبار

إختبارات أداء جديدة تكشف مدى قوة الـ Steam Deck

blank

بالرغم من أن من المقرر إصدار Steam Deck في شهر ديسمبر، إلا أن في شخص من الصين قدر يستلم نسخة المطورين اللي بعتتها Valve للمطورين الشهر اللى فات وقدر يعمل اختبارات مكثفة على الجهاز، وعلى الرغم من ان ده نسخة مبدئية من الجهاز و أن النسخة النهائية من المحتمل أن تكون مختلفة إلا أنها لسه بتحمل نتائج مذهلة.

تجربة اللعب على الجهاز

blank

وقدر المطورين الصيني انه يشارك تجربته مع 4 ألعاب بس، وهما Shadow of the Tomb Raider و Doom 2016 و Dota 2 و اخيراً Cyberpunk 2077.

وعلى الرغم من قلة عدد الألعاب المختارة، إلا أنها كفيلة توضح لنا مدى قوة و أداء الجهاز

Shadow of the tomb raider

blank

و استناداً على اختبار الأداء الخاص للعبة Shadow of the Tomb Raider، فلما جرب اللعبة على High قدر يحقق 36 فريم في المتوسط،

ولما عمل خليط بين High و Medium قدر أكثر من 60 فريم في المتوسط،

blank

و لما جرب يشغل اللعبة على ultra قدر يحقق 30 فريم في المتوسط  وده افضل من اداء نسخ الجيل الفائت من الكونسول اللي كانت شغالة على Low و 30 فريم بس.

DOOM 2016

blank

لعبة DOOM قدرت تقدم نتائج مذهلة على الجهاز، حيث انه قدر يحقق 60 فريم على اعدادات Medium بكل سهولة، و 46 فريم على High.

blank

وللمقارنة فلعبة DOOM 2016 على Nintendo Switch بتشتغل علي 30 فريم بإعدادات اقل من Low و دقة أقل من 720p

 Dota 2

blank

وعلى الرغم من أن Dota 2 تعتبر لعبة قديمة دلوقتي الا انها قدرت تحقق نتائج مذهلة على Steam Deck بحيث انها كانت بتوصل إلي 140 فريم في الـ Menu ووقت الجيم بلاي كانت تصل إلى 80 فريم في المتوسط.

blank

ولكن مش ده المهم قد ما تكون تجربة اللعب مريحة وده اللي اكدة التقرير، حيث ان الاتنين TouchPads قدروا انهم يحققوا تجربة لعب مريحة وقريبة جداً من تجربة الماوس في اللعب وده اللي يدل على مدى ثقة Valve في تصميمها الغريب في Steam Deck.

 Cyberpunk 2077

blank

وده كانت المفاجأة أنه قدر يحقق أداء يتراوح بين 20 و 30 فريم في المتوسط في لعبة Cyberpunk 2077 على High.

وأكد التقرير أنه مع تقليل الإعدادات للرينج المقبول نقدر نحصل على أداء مقارب من ال 40 فريم ولكنه محددش الاعدادات بالضبط 

وده أداء ميقدرش الجيل الفائت من الكونسول واللي بيوصل في بعض الحالات الى 15 فريم او اقل انه يقرب ناحيتة حتى .

إقرأ ايضاً:
أكبر مشاكل Steam Deck اختفت بفضل Epic Games

درجات الحرارة وأداء البطارية

blank

والي مبهر الحقيقة هو درجات حرارة الجهاز وقت اللعب، حيث انه وبعد 3 ساعات لعب Cyberpunk 2077 على High كانت درجات حرارة الجهاز تتراوح في حدود ال 42.6 درجة في الخلف، و 29 درجة بس عند مسكة ايدي التحكم.

blank

وبعد 3 ساعات لعب قلت البطارية من 100% ل46% بس، واللي هو رقم مبهر جداً خصوصاً وأن الإختبار تم على Cyberpunk 2077 والي تعتبر أثقل لعبة PC نزلت السنة اللي فاتت. 

وده يدينا انطباع أنه مع الألعاب الخفيفة يقدر الجهاز يحقق فوق ال7 ساعات لعب متواصل.

الخاتمة

blank

بالرغم من أن الاختبارات تمت على نسخة المطورين، و بالتأكيد هيكون فى اختلاف عن النسخة النهائية، ولكن مع ذلك المقال وضح مدى قوة Steam Deck وأنه بالتأكيد أقوى من معظم أجهزه الـ PC اللي سعرها يتراوح بين 500 و 600 دولار واقوى بفارق ملحوظ من Nintendo Switch و اللي مقدرش حتى أنه يشغل DOOM على أعلى 30 فريم و اعدادات Low.