Gaming News, News, Rumors

إشاعة : سنرى جزء ثالث من Life is Strange

blank

مُسرب معروف جداً على  موقع ResetEra إسمه Navtra إتكلم على الموقع عن بعض الإعلانات الجديدة الخاصة بشركة Square Enix والي على حسب كلامه هتكون خلال شهر فبراير 2021.

على حسب كلام المُسرب فا شركة Square Enix بتجهز لمجموعة إعلانات ضخمة خلال شهر فبراير أهمهم الإعلان عن نسخة PlayStation 5 من لعبة Final Fantasy VII Remake وكمان هنشوف تفاصيل أكثر عن الإضافة الضخمة  الي جاية للعبة Final Fantasy XIV Online والي هتكون في 2021.

مش بس كدة، ده على حسب كلامه فإحنا هنشوف أولى التفاصيل والإعلان الرسمي عن الجزء الثالث من السلسلة القصصية الرائعة Life is Strange الي من تطوير إستوديو Dontnod Entertainment. طبعاً لحد دلوقتي مفيش أي تأكيد على  الكلام ده بس خلال الفترة الي فاتت سمعنا شوية تسريبات وإشاعات بتقول إن شركة Square Enix بتجهز فعلاً لإعلانات جديدة فا بنسبة كبيرة كلامه هيكون صح خاصةً إنه سرب مجموعة ضخمة من المعلومات الصحيحة قبل كدة.

شاركونا رأيكم في المعلومات ديه وقولولنا إيه اكتر لعبة متحمسين ليها من شركة Square Enix خلال الفترة الي جاية ؟

Ahmed Yousry

About Ahmed Yousry

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.