Gaming News, News

إيه الي نتوقعه من Halo Infinite في E3 2021

فاضل أقل من أسبوعين على E3 2021 وأهم مؤتمر السنة ديه هو مؤتمر Xbox x Bethesda والي هيكون ساعة ونص وهيقدم تحديثات ضخمة على أهم الألعاب الحصرية الي هتتوفر على المنصة خلال سنة 2021 و 2022.

أهم لعبة الناس مستنياها السنة ديه هي Halo Infinite فا إيه الي نتوقع يقدمه إستوديو 343 Industries في مؤتمر السنة ديه ؟ بالنسبالنا إحنا شايفين ان لازم يكون في تركيز على حاجتين أساسيتين، إستعراض طور القصة بشكل أفضل من الي ظهرت بيه السنة الي فاتت وكمان لازم يهتموا شوية بالأونلاين Multiplayer لأن مينفعش يكون في لعبة Halo من غير اونلاين مميز.

كمان احنا شايفين ان لازم يكون في بيتا للأونلاين يصدر قبل إطلاق اللعبة بفترة، يعني لو اللعبة هتنزل في شهر نوفمبر فا لازم يكون في بيتا خلال أغسطس أو سبتمبر عشان يجهزوا اللاعبين للنسخة الكاملة خاصةً وإن طور الاونلاين هيكون تجربة مجانية بالكامل على كل المنصات.

Halo Infinite هتصدر في نوفمبر على PC و Xbox One و Xbox Series X | S بـ 60 دولار أو تقدر تاخدها ضمن خدمة Xbox Game Pass.

Website: www.gamezawy.com
Facebook: www.gamezawy.info
Instagram: www.gamezawy.co
YouTube: www.gamezawy.club
Telegram: t.me/gamezawyco

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.